• 07/12/2019 10:25 25

Yoweli Museveni YAGEZE muri Tanzaniya kuganira na Magufuli

Nyuma yo kwitabira inama yabereye Luanda muri Angola kuri uyu wa Gatanu agahura na bagenzi be b’u Rwanda, Angola, DRC, Perezida wa Uganda Yoweli Museveni yagiye muri Tanzania guhura na mugenzi we Dr John Pombe Magufuli. Yahageze mu masaha y’igicamunsi.

Abakuru b’ibihugu byombi basuhuzanya kuri uyu wa Gatandatu( Photo: The Citizen)

Kuri uyu wa Gatanu abakuru b’ibihugu bine( u Rwanda, Uganda, Repubulika ya Demukarasi ya Kongo, na Angola) bahuriye i Luanda baganira ku mutekano mu gace biherereymo hamwe no kureba uko umwuka mubi umaze igihe hagati y’u Rwanda na Uganda wahagarara, imigenderanire igakomeza nk’uko byahoze.

Biteganyijwe ko Perezida Museveni yahuye na mugenzi we Magufuli, bahurira mu gace Magufuli atuyemo ka Chato.

Itangazo ryasohowe n’Ibiro by’Umukuru w’igihugu cya Tanzania rivuga ko bariya bayobozi bazagirana ikiganiro mu muhezo.

N’ubwo ngo aba bakuru b’ibihugu baganiriye ku bibazo bireba ibihugu byombi ariko ngo ntibabuze kuganira ku buhahirane hagati y’ibihugu bigize Umuryango w’Africa y’Uburasirazuba( EAC).

Museveni abaye Umukuru w’igihugu wa kabiri usuye Magufuli mu gihe kitarenze icyumweru kimwe kuko yagiyeyo nyuma ya mugenzi we wa Kenya, Uhuru Kenyatta.

The Citizen

Jean Pierre NIZEYIMANA

UMUSEKE.RW

26 Ibitekerezo

  • Museveni agiye muri Tanzania na Kenyatta avuyeyo. Kandi ubutumwa nyamukuru batanze icyo gihe, ni ukwamagana ababangamira imigenderanire n’ubuhahirane hagati y’ibihugu by’abaturanyi. Byari bifatiye ku ifungwa ry’umudepite wo muri Kenya wari wavuze ko bakwiye kwirukana abatanzaniya n’abanya Uganda mu gihugu cya Kenya. Ibyo Prezida Kenyatta yise maoni ya kikabila na Ujinga (imyumvire y’ivanguramoko n’ubucucu). Mu kumusubiza na Magufuri yamaganye ibitambamira ubuhahirane (free movement of goods and people). N’ubwo bahereye kuri iriya case y’umunyakenya, wumvaga bavuga mu buryo bwa rusange. Nyamara bizarangira iguhuru kibyaye igihunyira. Tanzaniya urabona ari yo ifite urufunguzo mu kibazo kiri hagati y’u Rwanda na Uganda, kuko ari ho honyine dusigaranye tunyuza ibicuruzwa byacu, hagati y’u Rwanda n’u Burundi kuko ari yo yashubije Nkurunziza ku butegetsi amaze gukorerwa coup d’Etat muri 2015, ndetse no hagati y’u Rwanda na Kongo, kuko ari yo yirukanye M23 abari abayobozi bayo abenshi bakaba barahungiye mu Rwanda. Iyo Tanzaniya ikaba ikinafite ingabo ziryamiye amajanja muri Kongo n’ubwo zambaye ingofero ya Monusco. Tukanazirikana ko na Kenya kuva yakohereza muri Ethiopiya uwari ambasaderi wayo mu Rwanda atigeze asimburwa. None na Angola yarwanye urugamba rwo guhanganira n’ingabo z’u Rwanda muri Kongo ibyinjiyemo, ishyize imbere ikibazo hagati y’u Rwanda na Uganda. Amarenga ibi byose bica mu gihe hariho hubura imirwano ikaze muri Kongo, yagombye gutuma twese tujya ku mavi tugasenga. Ishyamba si ryeru.

    • Machiavel, nkunda analyses zawe cyane ziba zirimo ubushishozi, Nongereho ko abo bakuru b’ibihugu bose bafite ku meza ibaruwa isaba ibiganiro bya politiki na leta yu Rwanda. Iyo baruwa yageze ahantu hose hashoboka kandi abantu yagezeho bemeye kuzajya bayiganiraho n’abayobozi bu Rwanda. Ese icyo kibazo bakimubajije ese ntibakimubajije? Wait and see. Tubihange ama yeux.

      • @Machiavel, Urwanda ubu ruri mu bisubizo, hari benshi barusengeye, kandi nuba badahagarika kiretse ko bo babona ibintu ukundi…ku ngabo z´urrwanda aho zanyuze uzabaze ni wowe gusa ucyibaza ko zishoboye ariko na Angola yarabibonye, Uganda uzima gusubya byose….ni zere ko ufitemwo ababyeyi benshi gusumba abatuye mu rwanda….(n´ukwo mw´isenyeraho ngo muzanye impinduka) Depite wa Kenya wavugiye mw´isoko kugirango abantu bamwumve ko..afite politique zindi..nubwo atari inyungu za EAC urubaza ko byajyana President….umukuru w´igihugu ntagendera kubyo nde yavuze ..M7 yagiye kwa magufuri kureba uwundi yamwumva….ikibazo imyumvire yomuri 1970 itandukanye niya 2050…hari abatava aho bari ahubwo basubira muri 1970, aho abareba kure babona 2050….ntiwagereranya Vespa na Jet

    • Analyses z’ibipinga zirasetsa , dore iyo y’uwitwa Machiaval .Atekereza hafi aho izuru rye rigera .

      • Nturi free ahubwo wowe ndumva ufunzwe no mumutwe! Ubwo usibye gutukana wowe utanze ikihe gitekerezo? Rahira ko Tanzaniya nayo iramutse ifunze rutaba prison idasakaye!

        • Erega ibihugu byose biramutse bifungiwe n’ibituranyi byabyo byaba prison kuko nawe uri prisoner bitewe n’ibitekerezo wifitemo

          • Humura njye ndi free, ntabwo nogejwe ubwonko nkawe! Ariko ubundi mwabonyehe umuntu wifungiraho imipaka atari umusazi? U Rwanda rwohozeho, amateka yahozeho ndandi azahoraho!

      • Imana izi byose, ishoboye byose, kandi izatwereka byose. Naho abantu bamwe muri twe amaso yabo ntareba, abandi amatwi yabo ntiyumva, abandi iminwa yabo ntivuga.

    • @Machiavel, Hahahaha. Ngo ishyamba si ryeru? Niba se atari ryeru urabyungukiramo iki cyangwa wumva u Rwanda ruraba iki? Ntugafate ibyifuzo bibi wifitemo mu mutima wawe nurangiza uhuruture ibigambo ukubite aho, maze uvuge ngo wakoze analyse. Ngo Tanzania niyo yasubije Nkurunziza ku butegetsi? Ubwo se urumva udasuzugura abarundi. Jye narinzi ko abarundi aribo babyikoreye. Naho iryo shyamba ryawe nirishaka ntiribe ryeru, ntiribe umuhondo, icyatsi, ubururu, u Rwanda ntacyo ruzaba.

  • Ibyo impamvu mwabisesenguye gutyo bigendanye namarangamutima yanyu

  • Muransetsa cyane!Muti Kenya nta ambassador ifite mu Rwanda,kereka nimba arimwe mwamwirukanye,arahari yitwa John Mwangemi amaze nigihe mu Rda,ahubwo mufite ikibazo muhora murekereje mushaka byacitse.

  • Nubwo hari abantu bakora critiques kubyo abandi bavuze. Ni uko ariwo muco umenyerewe muri iki gihugu cyacu wo gushaka gucecekesha umuntu wese uvuze ukuri.

  • Analyses z’ibipinga zirasetsa , dore iyo y’uwitwa Machiaval .Atekereza hafi aho izuru rye rigera .

  • @Free, wowe se izuru ryawe rigera hehe? I kinshasa, i Kampala, cyangwa i Bujumbura? Ikidurumbanya aka karere cyose kiba kiri mu nyungu za ba Mpatsibihugu, si iz’abanyafrika. Abigira abakomisiyoneri babo bose basarura bimwe. Ntawabakoreye kurusha Mobutu.

    • Ibyo uvuze nibyo rata. Baragukoresha bamara kukurambirwa numenya ikigukubise…
      @ JADO hano niho baruhukira kuko niho hatambutsa ibitekerezo byose ( free speech ). Umuseke ikinyamakuru kyumuga…

  • Utakoze rata Machiavel bariya nka ba Free n’abandi nkawe ubundi comments ziba zigomba ku gihe.com hahahaha ahuu!!! Aha baba baje kuhakora iki koko.

  • Noneho hano niho muruhurira umutima
    !?

  • Nawe Jado nta kibazo rwose nguhaye umwaka 1 gusa ibyo uvuga ubu uzaba utakibivuga uzaba wateye ikirenge mu cyacu. Ni very soon kandi uzatugurakira wemere ko ibyo twavugaga ari ukuri.

  • abanditse coment mwese sinzi imyaka mufite ariko ba so na ba sogokuru bose inkotanyi zitera muri 1990_1994 bavugaga nkamwe neza-neza,ariko ntibyabujije IMANA gutabara abanyarwanda ikabaha ubuyobozi bwiza bushyira mu gaciro bukunda bose butavanguye bwiha agaciro bukagaha n’abandi,igituma muvuga gutyo n’uko mwifitemo roho mbi bigatuma muhora mutekereza nabi kdi iyo mitekerereze izabangiza by’igihe kirekire,Erega HE Paul Kagame na reta ye ntibihanganira abagizi ba nabi!kdi mwebwe nibyo ubwigenge,ubwo bwigenge mwabutubeshejemo 1990-1994 kdi ntibizongera,niba kdi mwebwe muri no muri RNC mumenye ko ababakuriye bahunz’igihugu bari batunze ibya Mirenge,ubwo rero n’umurengwe wabateye guhunga kuko twe ntitwahunze kdi ntidufite ibingana n’ibyo bari bafite,so umurengwe na roho mbi ntabwo IMANA ijya ibishyigikira

  • Jye numva inshuro zose Mu7 azajya muri Tanzania ntacyo bidutwaye. Ubuse ko yagiyeyo byatanze iki?
    Ntabwo byabuza umuntu kuryama agasinzira

  • Muceceke mwese MUSEVENI arimo gushak isoko ryibicuruzwa byabo twanze ubu abacuruzi babagande bakaba barimo kumwots igitutu kubera igihomba bagize bitewe nagasuzuguro ke, naho KENYATTA nawe yari yagiye gusaba imbabazi zumudepite wavuze ko bazica aba TZ so ntimwikirigite ngo bagiye gushaka ubufasha bwo kurya Urwanda nkuko Interas and their allies mbonye hano hejuru zibyifuza……PK ararenze agejeje Urwagasabo kuri table dhoneur.

  • Abategeka , bajye bareba no kunyungu za Abaturage, ubu se kuba umupaka w’Ubugande ufunze hari umuturage wabyungukiyemo?

  • Ndabasuhuje. Ibitekerezo ni byiza ariko mujye muvuga ibiriho mureke kuvuga ibibarimo. Urwanda ntaho ruzajya warwanga warukunda warwifuriza icyiza cg ikibi.

  • Ariko Magufuri ni Magufuri kweli! Aba ba presidents ba Eac yabahindiye nk’abakozi be yiyicarira Daressalaam ubundi agahamagara andi bagatwika ikirere nindege bakamusangayo! Kagame avuyeyo Kenyatta ajyayo Museveni nuko kandi uwuburundi na Congo bari bavuyeyo we yiyicariye!! Yabivuze neza koko ngo ibyabandi bahomberamo we nibyo yungukiramo imvururu zo muri Eac kuriwe ninyungu! Ubu ikibazo cy’Urwanda na Uganda Tanzania igiye kucyungukiramo baririrwa batwika amavuta y’indege bajya kumureba we yibereye mukazike abandi bari mumakimbirane!!! Africa weeeee…..

    • Nawe uravuze ntugasekwe!

Subiza

Your email address will not be published. Required fields are marked *