• 18/01/2020 1:53 36

Volleyball: Gisagara VC yigaranzuye REG VC mu mukino wa kabiri wa kamarampaka

Mu mukino wa kabiri wa kamarampaka (Playoff) wahuzaga ikipe y;umukino w’intoki ya Gisagara VC na REG VC kuri uyu wa Gatandatu mu nzu y’imikino y’Akarere ka Gisagara, warangiye Gisagara VC itsinze REG VC amaseti 3-0.

Gisagara VC yigaranzuye REG VC mu mukino wa kabiri wa kamarampaka

Wari umukino ikipe ya REG VC yari gutsinda igahita yegukana igikombe kuko yari yatsinze umukino wa mbere biyoroheye i Kigali amaseti 3-0.

Ikipe ya Gisagara yari imbere y’abakunzi bayo benshi na yo yashakaga gutsinda umukino wa kabiri kugira ngo yiyongerere ikizere cyo gutwara igikombe, mu gihe yazitwara neza mu mukino wa gatatu.

Gisagara VC yatsinze seti ya mbere ku manota 25-22, irongera itsinda seti ya kabiri 25-20, iza no gutsinda iseti ya gatatu biyoroheye ku manota 25-17.

Umukino wa gatatu ari na wo uzagaraza ikipe izegukana igikombe cya shampiyona uyu mwaka uzakinwa tariki 18 Gicurasi.

Mu guhatanira umwanya wa gatatu ikipe ya UTB VC yawegukanye nyuma yo gutsinda IPRC-Ngoma imikino ibiri yikurikiranya, aho kuri uyu wa gatandatu yayitsinze amaset 3-1, na ho umukino wa mbere ikaba yari yawutsinze na bwo amaseti 3-1.

Yvonne IRADUKUNDA
UMUSEKE.RW

Subiza

Your email address will not be published. Required fields are marked *