• 23/01/2020 1:10 43

Volleyball: APR y’Abagore yagiye muri Tanzania mu mikino yo Kwibuka J. Nyerere

  • Iratangira ikina na Jeshi yo muri kiriya gihugu

Ku gicamunsi cyo kuri uyu wa Gatatu tariki ya 9 Ukwakira 2019, ikipe ya APR Women Volleyball Club yageze i Dar Es Slaam muri Tanzania mu irushanwa ryo kwibuka Mwalimu Julius Nyerere rizwi nka Nyerere Cup. iyi kipe iratangira ikina na Jeshi yo muri kiriya gihugu.

APR WVC yagiye mu irushanwa ryo kwibuka Mwalimu Nyerere muri Tanzania

Ni irushanwa ngarukamwaka rigiye kuba ku nshuro ya 19, APR WVC ihagarariye u Rwanda muri iyi mikino iri mu itsinda rya kabiri (B).

Muri iki kiciro cy’Abagore, APR WVC iri kumwe na Jeshi (Tanzania), Hakika (Kenya), Orkeeswa (Tanzania) mucyiciro cy’abagore.

Itsinda rya mbere (A) ririmo amakipe nka DCI (Kenya), JKT (Tanzania) na Star Girls (Tanzania).

Umukino wa mbere APR WVC iratangira ikina na Jeshi yo muri Tanzania,  kuri uyu wa Kane taliki ya 10 Ukwakira ku Isaaha ya saa munani (14h00’) z’inaha i Kigali.

 

Abakinnyi 12 APR WVC yajyane muri Tanzania:

Grace Niyigena, Flavian Dusabe, Lea Uwera, Delphine Uwicyeza, Josiane Uyisenga, Yvone Bayija, Flora Munganyika, Judith Hakizimana, Muhoza, Yvette Igihozo, Claudine Musanabageni na Seraphine Baby Mukantambara.

Abandi bakinnyi ba APR barimo; Valentine Munezero na Penelope Musabyimana ntibazaba bari mu ikipe kuko bazakina imikino y’igikombe k’isi cya Beach Volleyball cy’amakipe ya gisirikare kizabera mu Bushinwa.

Umutoza ni Umutesi José wungirijwe na Peter Kamasa wanabaye umukinnyi wa APR Volleyball Club y’abagabo akaba yarabaye n’umutoza mu makipe atandukanye arimo RRA WVC.

APR WVC icumbikiwe muri Joshmal Hotel mu mujyi wa Dar Es Slaam ahari kubera iyi mikino. Muri iyi mikino y’amatsinda, hazajya hazamuka amakipe abiri ya mbere mu itsinda bityo bakine imikino ya ½ k’irangiza.

Umukino wo guhatanira umwanya wa gatatu no gukina umukino wa nyuma byose bizaba ku wa Mbere tariki 14 Ukwakira 2019.

Mu Kiciro cy’abagabo, Baraka, Chui, Mafunzo, Jeshi bari mu itsinda rya mbere (A) mu gihe Prince (DR Congo), Pentagon (Tanzania), Arusha (Tanzania) na JKT (Tanzania) ziri mu itsinda rya kabiri (B).

Jean Paul MUGABE
UMUSEKE.RW

Subiza

Your email address will not be published. Required fields are marked *