• 24/01/2020 3:56 23

Vatican yatangije Ishapule y’Ikoranabuhanga igura 100 000 Frw

Iyi shapule y’Ikoranabuhanga umuntu ashobora kuyambara nk’umurimbo wo ku kaboko, itangira gukora iyo ukoze ikimenyetso cy’umusaraba. Iyi shapule bambara ku kaboko igura 109 USD [agera mu bihumbi 100 Frw].

Yahujwe na App yo muri Telephone izajya ifasha umuntu kwisunga umubyeyi Bikiramariya akamusabira kuri Yezu

Iyi shapure yahujwe na Application yo muri Telephone umuntu akandaho atangiye gusenga na yo ikamufasha gukurikiranya amasengesho agize ishapule.

Iyi ‘app’ ikwereka uko uhagaze mu kuvuga ishapure, kandi ifite amashusho n’amajwi bisobanura ishapure.

Ishapure isanzwe ifasha mu gusenga no kwegera Imana mu bitekerezo. Amapfundo yayo yifashishwa mu gusubiramo amasengesho amwe ya kiriziya.

Abakoze iyi shapure nshya y’ikoranabuhanga, bavuga ko ije guhuza uburyo busanzwe bwo gusenga n’ikoranabuhanga rigezweho ku isi.

Agakoresho k’iyi shapure kakozwe na kompanyi y’ikoranabuhanga yo muri Taiwan yitwa GadgTek Inc.

Aka gakoresho (ishapure y’ikoranabuhanga) ntacyo kaba n’iyo kari mu mazi, gakorana kandi na telephone zigezweho zikorsha Android na iOS.

Ntabwo ari ubwa mbere kiliziya gatulika igerageje kwiyegereza urubyiruko rugendana cyane n’ikoranabuhanga muri iki gihe.

Mu 2018, umuryango gatolika w’ivugabutumwa watangije “Follow JC Go!”.

Iyi ni ‘app’ y’imikino ikoze nk’umukino wa Pokemon Go. Abawukina bagenda ‘bafata’ abatagatifu aho gufata ibisimba nko muri Pokemon.

Ishapule y’ikoranabuhanga abantu bazajya bayambara ku kaboko

BBC

UMUSEKE.RW

2 Ibitekerezo

  • Abantu benshi bibwira ko Ishapule “yabarwanaho”,ikabarinda ibyago.Babyita Talisman.Niyo mpamvu mu modoka nyinshi mubona ishapule imbere ya chauffeur no mu nzu z’abantu.Ndibuka mu ntambara ya 1990-1994 yuko Abasirikare ba Leta bajyaga kurwana n’Inkotanyi bambaye Amashapule babahaye,bibwira ko azabarinda amasasu y’umwanzi.Rwose ni ukwibeshya,ntacyo Ishapule yakumarira uri mu byago.Ni igiti,ibumba cyangwa plastic basiga irange nta kindi.Muli make,ni Idolatry,kubera ko Imana idusaba kuyisenga nta kindi kintu twifashishije nkuko Yohana 4,umurongo wa 24 havuga.Ikindi kandi,muli Matayo 6,umurongo wa 7,Yesu yatubujije gusenga dusubiramo amagambo amwe.Babyita Rabacher mu gifaransa (to repeat the same words).

    • @ HITIMANA, Ibyo ni ibitekerezo byawe abayikoresha nabo bafite reference muri Bibiliya kandi bazi icyo ibafasha. Wikumva ko uri intungane kurusha abanda!!

Subiza

Your email address will not be published. Required fields are marked *