• 08/12/2019 9:39 56

V/Mayor Kicukiro na Gitifu w’Umurenge wa Kanombe bafunzwe

Kuri uyu wa gatatu, umuyobozi w’Akarere ka Kicukiro wungirije ushinzwe iterambere ry’ubukungu Mukunde Angelique hamwe n’ Umunyamabanga nshingwabikorwa w’Umurenge wa Kanome Emmanuel Higiro bafunganye n’abandi bantu bane ku cyaha cyo kunyereza umutungo w’ihuriro ry’abafatanyabikorwa mu iterambere ry’akarere (DJAF).

Umuvugizi w’Urwego rw’Ubugenzacyaha Modeste Mbabazi yabwiye Umuseke ko aba bayobozi bafunze ariko aba bandi bafunganye atari ngombwa kubatangaza.

Avuga ko baregwa gukoresha nabi umutungo ufitiye rubanda inyungu.

Amakuru agera k’Umuseke avuga ko aba bantu bari kumwe n’abandi benshi mu ishyirahamwe rikora n’ibyo kwizigama no kugurizanya amafaranga.

Aba baregwa bakaba ngo barahawe cyangwa baremeye gutangwa kw’amafaranga y’iri shyirahamwe mu buryo bunyuranyije n’amategeko abagenga. Umuyobozi w’Akarere wungirije we akaba aregwamo guhabwa impano mu by’iri shyirahamwe bitumvikanyweho na bose.

Kuwa kabiri nijoro umuyobozi w’Akarere ka Nyarugenge wungirije ushinzwe imibereho myiza y’abaturage Ndayisenga Jean Marie Vianney na we yatawe muri yombi akekwaho ibyaha by’iyezandonke no kurigisa umutungo wa Leta.

Umunyamabanga Nshingwabikorwa w'Umurenge wa Kanombe Higiro Emmanuel
Umunyamabanga Nshingwabikorwa w’Umurenge wa Kanombe Higiro Emmanuel
Mukunde Angelique
Mukunde Angelique

Jean Pierre NIZEYIMANA
UM– USEKE.RW

5 Ibitekerezo

  • Tour du Rwanda

    • Erega nicyo gituma ibihugu byinshi bidatera imbere.Biterwa nuko abakozi ba Leta bayisahura cyane.Nubwo aribo bahembwa make ugereranyije n’abantu bakora muli Private Sector,usanga abakozi ba Leta babarusha gukira.Nibe no mu Rwanda.Ibihugu nka Uganda,Kenya,Nigeria,Congo Brazza,Angola,DRC,etc…,bafite Corruption iteye ubwoba.Bamwe bakize kurusha Leta,cyane cyane Presidential Families.Ikibabaje nuko baba bitwa abakristu kandi imana itubuza kwiba n’andi manyanga.Bajye bibuka ko bizababuza kubona ubuzima bw’iteka muli paradizo.Kuraho biriya bavuga ngo upfuye aba yitabye imana.Ni ikinyoma.Bible ivuga ko igihano cy’abanyabyaha ari urupfu rwa burundu nta kuzuka ku munsi wa nyuma.

  • N’abandi bitegure. Tour iratangiye …..

  • Tour du Rwanda irakomeje.Nzarya bike ndyame kare .

  • Hari abantu benshi batabona ikibazo dufite. Umugani nabacira ni Abasangiye duke bitana ibisambo. Ibi twumva mbere ntabyo twumvaga biterwa niki? Igihe twabyumvise bizatworohera kumva ibizakurikiraho kandi bikirimo kuza.

Subiza

Your email address will not be published. Required fields are marked *