• 17/01/2020 11:44 40

UTB VC yihariye ibikombe muri Memorial Kayumba kuri GSOB

UTB Volleyball Club mu baagabo no mu bagore nizo zegukanye irushanwa ryo kwibuka Padiri Kayumba Emmanuel wahoze ayobora  Urwunge rw’amashuli rwa Butare (GSOB) ryasojwe kuri icyi cyumweru.

Gisagara VC kabiri na UTB
Gisagara VC kabiri na UTB

Ni imikino yatagiye ku wa gatandatu hakinwa imikino  y’amajonjora mu bagabo n’abagore mu byiciro bibiri.

Ku cyumweru hakinwe imikino ya kimwe cya kabiri ndetse n’imikino ya nyuma hanatangwa ibihembo ku makipe yitwaye neza.

Mu bagabo mu cyiciro cya mbere ntabwo ubwitabire bwari bwiza kuko hitabiriye amakipe 2 gusa Gisagara VC na UTB VC zakinnye imikino ibiri hagati yazo UTB iyitsinda yose.

Ku wa gatandatu UTB yatsinze Gisagara amaseti 3-1 naho ku mukino wa nyuma iyitsinda amaseti 3-0.

Mu bagore ,UTB yegukanye igikombe itsinze RRA ku mukino wa nyuma amaseti 3-1 mu gihe mu cyiciro cya kabiri Iseminari nto ya Butare (PSVF) niyo yegukanye igikombe nyuma yo gutsinda Collège du Christ Roi amaseti 3-2 ku mukino wa nyuma.

Mu cyiciro cy’abakanyujijeho ikipe ya Tout Âge niyo yegukanye igikombe nyuma yo gutsinda Umucyo amaseti 3-2.

Irushanwa Memorial Kayumba rikinwa buri mwaka hibukwa Pdiri Kayumba Emmanuel wahoze ayobora GSOB witabye Imana mu 2009.

Iseminari nto yo ku Karubanda ifite abakinnyi bakiri bato yegukannye igikombe mu cyiciro cya kabiri
Iseminari nto yo ku Karubanda ifite abakinnyi bakiri bato yegukannye igikombe mu cyiciro cya kabiri
UTB y'abagore yasezereye Ruhango muri kimwe cya kabiri
UTB y’abagore yasezereye Ruhango muri kimwe cya kabiri
Seminari nto yegukanye igikombe mu cyiciro cya kabiri
Seminari nto yegukanye igikombe mu cyiciro cya kabiri

Yvonne IRADUKUNDA
UM– USEKE.RW

Subiza

Your email address will not be published. Required fields are marked *