• 15/12/2019 12:01 41

Uruzinduko rwa mbere mu mahanga Tshisekedi arukoreye muri Angola

Félix Tshisekedi uherutse kurahira nka Perezida wa Congo Kinshasa, kuri uyu wa Kabiri aratangira urugendo mu bihugu baturanye mu rwego rwo kumenyana no kuganira n’Abakuru babyo. Azabanziriza muri Angola aho azaganira na mugenzi we Joao Lourenco wagiye ku butegetsi muri 2017.

Perezida Félix Tshisekedi aratangirira urugendo rwe muri Angola
Perezida Félix Tshisekedi aratangirira urugendo rwe muri Angola

Mbere y’uko amatora aba, Angola yasabye ikomeje ko abaturage ba Congo Kinshasa bihitiramo umukuru wabo kandi amahitamo yabo akubahwa.

Nyuma yo gusura Angola, Perezida Félix Tshisekedi azakomereza urugendo rwe muri Kenya aganire na mugenzi we Uhuru Kenyatta.

Ubwo yarahiriraga inshingano z’Umukuru w’igihugu, Kenya yari ihagarariwe na Perezida Kenyatta ari kumwe n’utavuga rumwe n’ubutegetsi bwe Raila Odinga.

Uruzinduko rwa nyuma azarukorera muri Congo Brazzaville ahure na mugenzi we Denis Sassou Nguesso.

The ChimpReports

Jean Pierre NIZEYIMANA
UM– USEKE.RW

3 Ibitekerezo

  • Twebwe se ntabwo azadusura???

  • Oya kuko twebwe kugezubu tutari twemerako ariwe watowe.

  • Urukiko rwa Congo rwanze kutwumvira, ruvuga uwatowe tutaruhaye uruhushya, niyo mpamvu natwe tutamwemera.

Subiza

Your email address will not be published. Required fields are marked *