• 26/01/2020 5:24 01

Urugendo rwa Rayon mu za mbere muri Africa rurangiye yubitse umutwe

Enyimba iri iwayo yandagaje Rayon Sports iyisezerera iyitsinze ibitego bitanu kuri kimwe. Enyimba yanganyije na Rayon i Kigali bituma ijyana ikizere ko bigishoboka, ariko uyu munsi Enyimba yayiguye nabi cyane ibura kimwe gusa ngo iyuzurize urunganda. Urugendo rwa Rayon mu irushanwa ry’amakipe yabaye aya mbere muri Africa irusoza yubitse umutwe.

Kuri stade ya Enyimba mbere gato y'umukino
Kuri stade ya Enyimba mbere gato y’umukino

Hakiri kare mu gice cya mbere ku munota wa 12 Soporushi Augustine yahise afungura amazamu ya Bashunga Abuba ku ikosa rya ba myugariro ba Rayon Sports, ariko bidatinze Bonfils Caleb Bimenyimana yishyurira kuri centré nziza ya Rutanga Rayon ikizere kiragaruka.

Nyuma y’iminota micye nanone Soporushi Augustine yongeye aratsinda ku makosa nabwo ya myugaruro Mutsinzi Ange wa Rayon ndetse nyuma gato wahise anasimbuzwa Mugisha Gilbert.

Igice cya mbere cyarangiye gutya, Rayon Sports ibashije gutera ku izamu rya Enyimba kane(4) gusa mu gihe Enyimba yo yateye kurya Rayon inshuro 11.

Igice cya kabiri kigitangira nanone abasore ba Enyimba bahererekanyije neza bacenga ab’inyuma ba Rayon maze Sunday Adetunji atsinda igitego cya gatatu.

Umutoza wa Rayon yasimbuje Caleb Bimenyimana ashyiramo Christ Mbondi    ngo arebe ko hari icyo yahindura ariko nta musaruro yatanze.

Ahubwo Enyimba yakomeje ubusatirizi kuri Rayon ndetse ibona ibindi bitego bibiri mbere y’uko umukino urangira ari bitanu kuri kimwe cya Rayon.

Urugendo rurerure rwa Rayon rwari rukomeye harimo nko gusezerera LLB Academique y’i Burundi iyitsindiye iwayo, isezerera Costa do Sol yo muri Mozambique ijya mu matsinda, iyasohokamo neza itsinzwe rimwe gusa ari iya kabiri inyuma ya USM Alger ihigitse Gor Mahia na Young Africans.

Yinjiye bwa mbere mu mateka mu makipe umunani ya mbere muri Africa itombora Enyimba biganya umukino ubanza wanatangaga ikizere kinshi kuko Enyimba itagaragaye nk’ikipe ikomeye i Nyamirambo.

Koruneri nizo Rayon yarushije Enyimba ariko nazo ntacyo zavuyemo
Koruneri nizo Rayon yarushije Enyimba ariko nazo ntacyo zavuyemo

Ariko iwayo Abia muri Nigeria Enyimba yihereranye Rayon iyitsinda itayibabariye ibitego bitanu kuri kimwe urugendo rwayo rwari rwabaye rurerure kandi rwiza rurangira yubitse umutwe kubera gutsindwa byinshi.

Ku mbuga nkoranyambaga abantu benshi bashimiye Rayon Sports ku rugendo yagize ihagarariye u Rwanda ikagera kure, gusa bagaragaza ko babajwe n’uko isezerewe itsinzwe ibitego byinshi.

Enyimba International izahura na Raja Casablanca yo muri Maroc nayo yasezereye CARA Brazaville iyitsinze imikino yombi ubanza n’uwo kwishyura waberaga Casablanca uyu mugoroba.

Rayon Sports niyo kipe ya mbere mu karere ibashije kugera kuri iki kiciro cy’amakipe yabaye aya mbere iwayo muri Africa. Enyimba iyisezereye ni ikipe nkuru kuko yo yabashije kwegukana ibikombe bibiri by’amakipe yabaye aya mbere iwayo muri Africa.

Biteganyijwe ko Rayon Sports izataha ejo kuwa mbere.

Enyimba yakira Rayon Sports
Enyimba yakira Rayon Sports
Paul Muvunyi Perezida wa Rayon Sports yari yicaranye ku kibuga na Ambasaderi Stanislas Kamanzi w'u Rwanda muri Nigeria bombi bambaye ubururu n'umweru
Paul Muvunyi Perezida wa Rayon Sports yari yicaranye ku kibuga na Ambasaderi Stanislas Kamanzi w’u Rwanda muri Nigeria bombi bambaye ubururu n’umweru
Manzi Thierry avuga na bagenzi be
Manzi Thierry avuga na bagenzi be
Rayon Sports yahuye n'akazi gakomeye birangira itsinzwe bikomeye
Rayon Sports yahuye n’akazi gakomeye birangira itsinzwe bikomeye
Dankor wa Rayon afite umupira
Dankor wa Rayon afite umupira
Amakosa ya ba myugariro yavuyemo ibitego bigera kuri bitatu
Amakosa ya ba myugariro yavuyemo ibitego bigera kuri bitatu
Rwatubyaye ku kazi
Rwatubyaye ku kazi
Rutanga yabashije gutanga centré yavuyemo igitego cya Rayon
Rutanga yabashije gutanga centré yavuyemo igitego cya Rayon

Photos©Tony Ademodi

UM– USEKE.RW

28 Ibitekerezo

  • Ngo Rayon itashye yubitse umutwe! Kandi iviriyemo muri 1/4, itsinzwe n’ikipe imaze gutwara icyo gikombe inshuro ebyiri! Ngaho iziyikurikiye nizijye mu kibuga turebe aho zizagarukira. Abafana b’ikipe ntavuze izina bishimye cyanee!! Ako kebo natwe nibasurwa n’ikipe bazatombora, tuzakabagereramo nk’uko bisanzwe. Basanzwe ari stars a domicile ntibigoye kumenya uko bizarangira.

  • barakoze ntako batagize bari bananiwe kuva mukwa 2 buri cyumweru bari mukibuga mumarushanwa atandukanye kuba barageze mumatsinda ndetse bakayarenga bikorwa nabake , barakoze cyane nibura africa yose yamenye ko murwanda hari ikipe yitwa Rayon spot ikomeye. baze bitegure umwaka utaha bashake tike yokongera gusohoka.

    • Abatsinze 7-0 bo se nibituramiye

  • Uwiyise Gasenyi nkunze comment yawe cyane, mbonye umutwe w’iyi nkuru nibaza icyo uyu munyamakuru ashatse kuvuga ngo Rayon I tashye yubitse umutwe, really? Nkuhanze amaso na bagenzi bawe aho muzagarukira. Reka nkureke nibwirire bagenzi banjye inshuti nyazo za Gikundiro ntimucike intege ndabasabye mujye kwakira equipe muri benshi cyane Ntimutume bacika intege, kubwo kwisanga bonyine kuri Aeroport mubatungure pe mukomeze mubereke urukundo. Njye sindi mu Rwanda ariko turi kumwe kandi ndabakunda. Courage basore bacu (Gikundiro iteka). Tuzareba aho muteteri izagarukira ejobundi

  • ubwo yubitse umutwe buriya izizajya zivamo zitageze 1/4 zizajya ziba zubitse amagara. uyumunyamakuru yanga rayon agakabya kbs. kubwa benshi rayon yakoze ibyo benshi batari biteze, target yabo yari 1/4 ibindi byari inyongera kandi babigezeho turabibashimira, kandi amazina yabo abakunzi ba rayon bayanditse kumitima yabo, bazahora bibukwa nk’intwari, gutakaza abakinnyi ngenderwaho 6 badasimbuwe ugakomeza gukina mpaka mumatsinda uba ukoze amateka.

    • Nibura gira ikinyabupfura ureke gutukana si umuco nyarwanda

  • Muzajye kwakira equipe muri benshi please, ntimuzatume bacika intege ngo bisange bonyine ku kibuga. Tuzabakunda ibihe byose imvura yagwa, izuba ryava tubari inyuma. Uwavuze ngo Rayon yubitse umutwe ndashaka kuzareba aho Muteteri izagarukira

  • Basore bacu mwagerageje, Mwakoze iyo bwabaga mugera muricyo kiciro. Rayon tuzaguhora inyuma.

  • uyu munyamakuru uvuga ngo rayon yubitse umutwe we yubitse ubwonko kuko ntazi ibyo avuga.

  • Burya football ntibeshya cg c ikibuga ntikibeshya!!!ntabwo ushobora gukina ubahatisha,ninayo mpanvu mwananiwe no gutwara igikombe gikinirwa hano imbere mugihugu ngubutaha muzasohoke,mubyange mubyemere burya muri football haba “facteur chance”gusa nyine iyo chance yawe irangiye uko ureshya biragaragara,muriki gihe muri Modern football ntamuntu ugitsindwa ibitego nkibi.nzahora mbibabwira kuba mwarabuze nicyamahoro kugirango byibuze muzasubireyo bigaragaje ubushobozi bwanyu.Djumatanu fc mwadusebeje kbs!!!

  • abababababa …………………………..yewe ni aho twagezaga twitahire nabyo byaratugwiririye………..kuko nta n igikombe twanatwaye ngo duhite dusubirayo……..ariko nanjye nzaseka cyane ntawe ukuyemo nm kipe mubazakurikira

    • wowe uvuga gutyo iyo ufana izagera hariya mu myaka 10000000,ndakurahiye

  • Umunyamakuru nawe aransekeje kabisa ngo kubika umutwe harimo na intention mbi kabisa,kuko siyo yambere itsinzwe uretse na Rayon nizindi ziratsindwa kandi ntago ajya abyandika gutya, ahhh nzaba mbarirwa, nonese Liverpol itsindwa na Real M. ko utabyanditse gutya kuri Final ya champion League, Ube umunyamwuga

  • Bavandimwe barayon rwose nimwemere ko muvuyemo mwubitse umutwe nk’uo umunyamakuru abivuga, iyo mutsindwa kimwe bibiri cg bitatu ntabwo yari kuvuga atya, ariko bine bitanu ni akaga rwose, namwe ntabwo mwabitekerezaga ko ari uku byagenda.
    Njye mfana APR ariko muri iyi minsi rwose nari inyuma ya Rayon Sports kuko ntabwo yari ikiri yayindi mukeba ahubwo yari iduhagarariye nk’igihugu.

    Gutsindwa bitanu rero ntawe bitatunguye, ntawe bitanababaje ukurikije uko Rayon yitwaye mu mikino yose yakinnye muri iri rushanwa, ntaho yatsinzwe bimeze bitya.

    Iyo umunyamakuru avuga ati “Rayon isezerewe yemye” yari kuba abeshye cyane, ariko kuvuga ati “rayon isezerewe yubitse umutwe” ntabwo abeshye kuko yatsinzwe ibitego byinshi bitumye nubwo ntako itari yagize rwose ariko isezerewe itsinzwe byinshi bitayihesheje ishama muri 1/4

    Niba ubona umunyamakuru yabogamye ngaho reba mu yindi mikino yo kwishyura ya 1/4 yaraye ibaye, nusanga hari iyatsinzwe nibura 3 – 0 ubone kunenga umunyamakuru

  • Rayon Sport yatsinzwe i Kigali kubona itarashoboye kwinjiza nibura igitego kimwe. Amakipe afite experience ni kuriya abigenza ,ashobora no kwitsindisha kugira ngo abaza kureba umupira baze ari benshi.Muby’ukuri football yo mu Rwanda na Football ya Nigeria itandukaniro ni rinini. Rayon Sport nisubire kuri tableau noir cyane cyane muri management no ma makipe y’ingimbi kuko ntituzahora tugura abakoinnyi tugomba no kubona abo tugurisha.Business as usual!!!

  • Ark nkawe uri kuri reception yizi post zitandukanye,kuki utarimo ugaragaza iziri against zinenga, zivugukuri kuntsinzwi ya rayon?????ibi ntibikwiye umunyamakuru wumuseke kuko nibirenze ibyo wakwibaza murabigaragaza afazari yaba arindi website itariyi,vana uburanga mutima bwubureyon ahongaho

  • Bella we uyobewe c sha ko aba barayons agahinda kaba kabishe!!!!nanjye haribitekerezo natanze ariko yanze kubigaragaza kdi mubyukuri Umuseke.com nabambere bakanikurikira so nta mpanvu yo kunyonga igitekerezo,naho kubijyanye niyi gasenyi,ubu ibi bibaye amateka nkuko nibindi byabaye amateka ndibazako agahigo kabananiye,ndunva 1/2 na 1/4 haritandukaniro.nibaze hano mu Rwanda tubagenere ibyo dusanzwe tubaha notre femmme gasenyi fc.

  • Nanjye uku gutsindwa kwantunguye 5-1?
    Narinzi ko batsindwa ariko nka 2-1 ou 3-1 ariko ibi ni byinshi kabisa.Pole sana aba Rayon

  • Nibyo nabifurizaga kuvamo ngo mitazansakuriza ariko 5 nibyinshi simbanga bigezeho. Naho kubika umutwe yavugaga nukuviramo kure utazasubiramo

  • bavandimwe mu marushanwa habamo utinda nutsindwa, ntakintu kidasanzwe rero kuba rayon yatsinzwe kandi siyo kipe itsinzwe byinshi kuko mwibuke ko na Croatia iherutse gutsindwa na Spain ibitego 6 kandi yarageze kuri Final muri world Cup. Ikindi kandi aho Rayon yageze nikure cyane, rwose yakoze akazi gakomeye pe!

  • kubika umutwe bivuga ko bari bafite isoni kandi niko bimeze gutsindwa bitera isoni naho watsindwa 1-0, kuba usezerewe kandi wari wihaye intego yo gukomeza birahagije ngo utahe ufite isoni. Ndumva nta kidasanzwe cyabaye kuri Rayon pe

  • Ariko se abafana ba APR bacitse ururondogoro ngo Rayon yatsinzwe byinshi bo ntitwabibatsinze ese sibo bafite agahigo ko gutsindwa ibitego byisnhi muri uru rwanda aho batsinzwe na equipe yo muri Tunisia ibitego 7-0 bwa APR NONE BARIMO baravuga ubusa . ni mwitonde we rayon irabarenze

  • Wowe wiyise “ami du sport”mbwira ikipe uzi ikomeye kurwego rwa africa yatwayeho championsleague like TP mazembe cg Zamalek,…wigeze utsinda?atarukuvugango ni zo mukarere nkiburundi tanzania kdi naho ka ruswa wagiyutanga urakazi!!
    So record irabananiye ntimuzapfa munayikuyeho 1/2(Apr 2003 forever CAF cup winners)nimucyuramabinga muze tubakubite mugaciro.

  • Ariko se kwigisha MATABARO cyangwa JORJI BANETI ko ari ugohozaho, Muzumva ryari ko CAF Winners CUP ntaho ihuriye na CAF CONFEDERATION CUP yabumbiye hamwe amarushanwa abiri yategurwaga na CAF ariyo (CAF winners cup na CAF cup). CAF CONFEDERATION CUP ni irushanwa rishya ryatangiye 2004. ubu kujya muri 1/4 bisaba gukina matchs 6, mugihe muri CAF winners cup byasabaga matchs 2 gusa. Kugirango ba Matabaro babyumve neza ni nkuko ZANZIBAR + TANGANYIKA byabyaye TANZANIA. Ntabwo wavuga rero uti TANZANIA= ZANZIBAR. Nimushake ukuntu namwe mwagera aho RAYON yageze cg se munaharenge mureke gutangira gupapa.

  • Ibyuvuze bigaragaza ubujiji musanganywe ntawabarenganya uravugako CAF cup winners wakuragamo amakipe abiri????sha urakajiji honyine nkubarire amakipe Apr yakuyemo??Mufulilo wonderers fc,deportivo delibolo fc ashanti kotoko fc zamalek fc,…dukurwamo na Juluias berger fc arinayo yagitwaye kdi ntitwanatsinzwe dusuzuguritse ako kageni rero burya ingunguru irimo ubusa irasakuza cyane,rayon fc tonon renverssé.

  • Wowe Tity mbere yo kwandika jya ubanza utekereze kabiri kandi gutanga igitekerezo cyawe ntibisaba gutukana kugirango cyumvikane. Nasobanuye ku buryo bwumvikana ko CAF CONFEDERATION CUP ikinnywa ubu ari irushanwa riruta CAF WINNERS CUP. Icyo tubanze tucyumvikaneho. Naho ibya 1/4 ikipe ikigeramo ivuye muri 1/8. Umenye neza ko 1/8 ya Caf winners cup(irushanwa riri munsi ya CAF CONFEDERATION CUP Y’UBU) yari imikini 2. Mu gihe ubu muri CAF CONFEDERATION CUP ari imikino 6 aribyo byitwa amatsinda. Kandi wowe ntiti utari injiji wongere usuzume neza niba kiriya gifaransa wasozerejeho ko ariko cyandikwa. Ugire amahoro.

  • Tity nakugirinama yo kwicecekera the majority of rayon sport fans,their knowledge is limited in different aspects nugupfa kuduhira gusa ubuse nkuwo wiyise MNEZA urunva ibintu avuga honyine ubumenyi afite kumupira cg nahandi bungana gute???ngo byarugukuramo amakipe 2 ????!!!! Ndumiwe nukuri!!!none c ko caf cup winners yajyagamo amakipe yatwaye ibikombe byibigugu nigute amakipe agize ibihugu byafurika hakorwa amapoules kuburyo ukuramo 2 teams zonyine ngukabona kujya muri 1/2??? nawe igaye ntawakurenganya!!!

  • Nyakubahwa ROGERS; nawe ndabona uri intiti kuko uvuga ko ngo ubumennyi bw’aba Rayon Sports fans ari limited in different aspects; reka tuve no muri ibyo byo kuturatira inkovu z’imiringa ry’irushanwa ritakibaho. Ubundi ko irushanwa rya CAF CONFEDERATION CUP 2018 ari RAYON SPORTS FC ko yarikinnye, na APR ikarikina, RAYON ikaba iviriyemo muri 1/4; wowe ufite ubumenyi bwinshi ntiwadusobanurira aho APR yaviriyemo. Ese ni muri 1/32 ni muri 1/16 ? Ngaho wowe ntiti sobanurira abafite ubumenyi buciriritse. Ugire amahoro.

Subiza

Your email address will not be published. Required fields are marked *