• 08/12/2019 10:58 05

UN yatangaje Ebola nk’icyorezo gihangayikishije Isi

Ishami ry’Umuryango w‘Abibumbye ryita ku buzima (OMS) ryatangaje ko indwara ya Ebola ari icyorezo gihangayikishije Isi. Uyu muryango urasaba amahanga guhagurukira iki cyorezo gikomeje kwibasira abatuye muri Repubulika Iharanira Demokarasi ya Congo.

Mu kiganiro n’abanyamakuru cyabereye i Geneve mu Busuwisi ahari ikicaro cy’uyu muryango kuri uyu wa Gatatu, Umuvugizi wa OMS, Fadela Chaib yatangaje ko igihe kigeze ngo isi ihagurukire guhangana n’iki cyorezo kimaze guhitana abasaga 1600 muri Kongo.

Umuyobozi Mukuru wa OMS, Tedros Adhanom Ghebreyesus yavuze ko Ebola imaze kugera ku rwego igomba gufatwa nk’icyorezo giteye inkeke imiryango mpuzamahanga n’isi muri rusange.

Umuryango mpuzamahanga utabara imbabare Croix Rouge washimishijwe n’iyi mpuruza yatanzwe na UN, ivuga ko ibi bishobora bishobora guhwitura amahanga akagira uruhare mu guhangana na Ebola.

UN itangaje ibi nyuma y’uko i Goma hagaragaye umurwayi wa Ebola ndetse akaba yarapfuye kuri uyu wa kabiri amaze umunsi umwe ari mu kigo kirimo kwita ku barwayi ba Ebola kiri i Butembo.

Ebola ubu iri ku mwanya wa kabiri mu byorezo byahangayikishije isi mu mateka yayo.

Mu kwezi kwa Kanama 2018, nibwo yageze muri Repubulika ya Demokarasi ya Kongo, mu gace ka Kivu y’Amajyaruguru na Ituri.

Abantu barenga 2500 bagaragaweho ibimenyetso by’iyi ndwara, 2/3 muri bo bahitanwa nayo.

Mu minsi 224 gusa abagera ku 1000 bari bamaze kwandura iyi ndwara, umubare wiyongereye ukagera ku 2000 mu yindi minsi 71 yakurikiyeho.

Dieudonne NSHIMIYIMANA

1 Igitekerezo

  • Icyorezo cyateguriwe kuzamara abanyafurika . UN irabizi irigiza nkana.

Subiza

Your email address will not be published. Required fields are marked *