• 16/12/2019 2:08 28

Umuyobozi w’ibitaro bya Kinazi arisobanura ku rupfu rw’umurwayi yashinjwemo uburangare

Kuwa mbere twatangaje inkuru y’umugabo washinje ibitaro bya Kinazi kurangarana umugore we wari ku nda bikamuviramo gupfa. Uyu mugabo yasobanuriye Umuseke uko byagenze, umuyobozi w’ibitaro tumubajije avuga ko ibivugwa ari ukubeshya kuko ngo ibyo basabwa gukora bari babikoze. Ko icyabaye ari ikibazo cyo mu nda umugore utwite yagize, ariko kitabwirwa itangazamakuru kuko ngo ni ibanga ry’akazi.  Ubu yanditse inkuru ye na we avuga uko byegeze, ayinyuza kuri MINISANTE yayitugejejeho.

Umurambo wa nyakwigendera bawusohora mu nzu bamujyanye ngo asomerwe misa yo kumusezeraho, imbere ye hari uruhinja
Umurambo wa nyakwigendera bawusohora mu nzu bamujyanye ngo asomerwe misa yo kumusezeraho, imbere ye hari uruhinja mu gasanduku

Ati;

Mbere na mbere, Ibitaro bya Ruhango byihanganishije cyane umuryango wa nyakwigendera

MUKAKARENZI Vestine, umubyeyi uherutse kwitaba Imana mu bitaro bya Ruhango, ku cyumweru tariki ya 9/9/2018 saa satu z’amanywa.

 

Ibitaro bya Ruhango byakiriye Nyakwigendera aturutse ku kigo nderabuzima cya Kigoma bamukorera ibishoboka byose ariko birananirana birangira yitabye Imana.

 

Mu ijoro ryo ku cyumweru tariki ya 9/9/2018 ahagana sa munani n’iminota makumyabiri nine  za mugitondo (2:24 AM), umuforomo wari uri ku izamu ku kigo nderabuzima cya Kigoma yahamagaye imbangukiragutabara y’Ibitaro bya Ruhango, avuga ko afite umubyeyi utwite, atari kumva BCF (BCF inaudible), nk’uko bigaragara kuri transfer yavuye ku kigo nderabuzima cya Kigoma. Umuforomo mu bitaro bya Ruhango wari uraye izamu, yitabye telefoni itabaza, ahita ajya kuzana umubyeyi. Nyuma y’iminota 30 gusa (3:00PM), Umubyeyi yari agejejwe mu bitaro bya Ruhango, muri serivise ya Maternite, ahita yakirwa n’abakozi bari baraye izamu harimo umubyaza, umuforomokazi na n’Umuganga (Dogiteri). Ibi bikaba bitandukanye n’uko byari byanditse mu nkuru ko abaganga yahasanze ngo bamubwiye ko Docteur wo kwita kuri uwo mugore adahari.

 

Ku isaha ya saa cyenda n’iminota cumi n’itatu (3:13AM), Umubyeyi yasuzumwe na Dogiteri. akorerwa Echographie/Ultrasound yagaragaje ko umwana yapfiriye munda, bimenyeshwa umubyeyi ndetse n’ubujyanama (counceling) buhita butangira, akomeza guhabwa ubufasha, nk’uko bigaragazwa na Dossier y’umurwayi. Ibi na byo bikaba bidahuye n’ibyanditwe na Ange Eric avuga ngo abaganga batangiye kumwitaho bukeye, bamugeraho basanga umwana yamupfiriye mu nda, saa tanu z’amanywa (kuva saa munani z’ijoro) ni bwo bababwiye ko na nyina yitabye Imana.

 

Na none ahagana saa kumi n’ebyiri n’iminota makumyabiri n’umwe (6:21am), Dogiteri wari uraye izamu yahamagaye inzobere mu kubyaza (Obstetric), amuha inama ko umubyeyi yahabwa amahirwe yo gusunika umwana, ahawe ibise. 7:00 am: Umubyeyi yakomeje gukurikiranirwa hafi na equipe y’amanywa igizwe n’umubyaza, umuforomo na ba Dogiteri babiri. Saa tatu na mirongo itatu n’itatu  za mugitondo (9:33am) bongeye gusuzuma umubyeyi basanga ubuzima bumeze neza nta kibazo, ndetse yari yanatangiye ibise.

 

Bigeze saa yine na mirongo itatu za mugitondo (10:30AM), Umubyeyi yagize ibimenyetso byo gucika intege, hafatwa ibipimo by’ubuzima bigaragaza ko bitangiye kumera nabi, aba Dogiteri bane bihutira kumubaga ngo batabare ubuzima bwe bakora ibishoboka byose ariko birananirana umubyeyi yitaba Imana sa tanu n’iminota mirongo ine (11: 40AM).

Kuvuga ko umuyobozi Mukuru w’Ibitaro bya Ruhango, Dr. Usabyineza Richard ashinjwa kuba atari mu Bitaro igihe uyu murwayi yahageraga ntabwo byaba ari byo kuko hari abakozi bahagije barimo n’aba Dogiteri benshi bikaba atari byo byatumye tubura uyu mubyeyi.

Turangije twongeye kwihanganisha umuryango wa Nyakwigendera kandi tukaba dushsihsikariza abanyarwanda cyane cyane ababyeyi gukomeza umuco mwiza wo kwihutira kwa muganga igihe cyose hagaragaye ibimenyetso by’uburwayi kugira ngo babiteho hakiri kare banabagire inama mu kwirinda indwara. Tukaba tuboneyeho nanone gushishikariza cyane cyane ababyeyi batwite gukurikiza gahunda zo kwisuzumisha kwa muganga nibura incuro enye kugira ngo muganga akurikirane neza ubuzima bw’umubyeyi n’umwana kugeza igihe avukiye.

Byanditswe n’Umuyobozi Mukuru w’Ibitaro bya Kinazi

Dr. Usabyineza Richard

0 Igitekerezo

  • Ibi biteye isoni ku gihugu kirimo gutera imbere k’urwanda. Kwisobanura ni no Sens rwose, gupfusha umubyeyi numwana nitumara ngo twagabanyije impfu z’ababyeyi n’abana????? Shame on you!!!!!!!!

  • Another nonsense. Aba bantu bamaze imyaka n’imyaniko bahuzagurika mu buyobozi, ni gute ufata correspondance y’imbere mu kazi ukayijyana mu itangazamakuru ? Niba ikinyamakuru cyanditse ku mukozi cg kuri institution, hari uburyo 2 ibisobanuro byatangwa: umukozi ashobora kwandikira ikinyamakuru anyomoza ibyo cyamuvuzeho mu kazi ke cg se institution ikandika inyomoza/isobanura ibyo umukozi yo cg wayo bavuzweho. Ibi byo gufata ibaruwa y’amafuti nk’iyi umukozi yandikiye superior we ukayoherereza ikinyamakuru ngo nigitangaze, ni ubuswa bwamye bubaranga, ntibibaho ni uguhuzagurika. Ikibazo kiri muri MINISANTE ni abakzi bahabwa akazi badashoboye mu buryo bwose bubaho

  • Imikorere y’abaganga turayibona. Iyo fishi muvuga nyir’umurwayi yayisinyeho n’amasaha yayisinyiyeho aragaragara? Niba ari oya,mutuze. Kwandika ifishi n’intoki ntibigaragaza isaha byakorewe,kandi kuko muzi ingaruka zabyo nta na rimwe muzemera ko mwakoze ikosa. Ngo ari buve ntarara mu mubiri wenda n’iyo yitabwaho uko bikwiye yari kurenga agapfa,icyari gikenewe kurusha ibindi ni ukwegera no kwihanganisha uwo muryango,na siyasa nyinshi kandi byari gukunda.
    Gusa iyo ndebye mbona leta hari ikintu yagakwiye gukora;si ihame ariko ni igitekerezo. Ibitaro by’uturere yakabihaye abasirikari ho abayobozi bakuru ndetse na bamwe mu nzobere bakaba bo. Kuko mbona imikorere yabo itandukanye n’iy’abo mbona hanze aha umuntu yireba akabona ni igikomerezwa aragusubiza ibimujemo,arakujindirana ukagira ngo waje utababara. Reka ndekere aho ariko ndakemanga ubunyamwuga bwa benshi mu biyita abaganga dufite

    • Frank ivugire ibyo ushaka nturasuzugurirwa I kanombe ngo bagucisheho abo urusha kuremba ugataha ukazahabwa undi munsi. Byibuze nabo basivile harubwo bakubwiza 81 ariko bikanga ariko umusoda agusuzugura nta mususu.

  • Ikinazi utahazi arahabarirwa ? Abanyamatiku abaricist Bepotism mbese baracyari kungoma yahabyara cyangwa baracyari muri cygihe cyo guhora ikinazi niho hantu batanga service mbi mbuzima bwabo bwose , ibitaro , umurenge , nahandi hose

  • None se ko mbere uwo DG yavuze ko kuvuga icyishe umubyeyi ari ibanga,kuki birangiye rya banga arimennye?
    Ntabwo aribyo rwose kujyana amabanga y’akazi ku karubanda,birazwiko ntawundi muntu wemerewe guhabwa amabanga y’akazi uretse umugenzacyaha n’umushinjacyaha uri mu iperereza,ahandi rwose si ngombwa kuvuga menshi.
    Twihanganishije uwo muryango wabuze umubyeyi n’umwana.

  • Ibi se ni ibiki uyu Dr asobanura nukuntu atahaba yibera mu bana bato, umunebwe gusa wazanwe ku cyenewabo nta bumenyi. Ibyo asobanura barabitekinitse buzuza fiche birazwi rwose ahubwo bizageza gihe ki kugirango Minisante ireke guhishira ibi bintu?

  • Kwandika ibi basohoye aha nuko babitekinitse nyuma ubundi sibyo kumena aya mabanga yakazi

  • Uyu mudogiteri yize he yize iki?ndisobanura.ati tumaze gukora echographie twasanze
    1)umwanayapfiriye munda.2)ati twagerage je kumuha ubufasha tubigiriwe numudogiteri winzobere mukubyaza
    3)ati yatubwiye ko umwana aribusohoke .
    Ese mwabasomyi mwe murabona uruya mubyeyi bariya badogiteri bataramurangaranye?
    Kuko iyo bahita bamubaga bagakura mo umwana nubwo yari yamaze kuva mumubiri
    Nyina yagombaga kurokoka byanze bikunze.
    Ikindi narangirizaho.biriya dogiteri yavugiye mukinyamakuru
    Yakagombye kubihanirwa ndetse bamwirukane kukazi
    Azatange nindishyi zakababaro kuriya muryango.
    Ibi gusebya umwuga numuryangao wabanyarwanda.

  • Turinginga dusaba leta ki yakurikirana imikorere yabakozi bakira mubitaro bya kinazi cyane cyane ababyaza abadamu kuko barasuzigura cyane bakarangarana abantu uki bishakiye ntakintu biba bibabwiye nange mushiki wange yarahagiye agiye kubyara nmbaramurangarana kugeza ubwo umwana amupfiriye munda banze kumubaga ngo bamukuremo akiri muzima. Mubyukuri ibi bitaro bitanga services zitabereye igihugu cyacu

  • uyu mu docteur ararengana ,mwe mwese muravuga ibyo mwishakiye kubera ntabumenyi bw,ikiganga mufite,niba ibyo yanditse ariko byagenze koko ,niyiturize ku imana muganga ni umwere kandi yihangane kuko gupfusha umubyeyi wakurikiranaga nabyo bitera igikomere,gusa abazi ibijyanye n,ubuvuzi bo barahita bumva ko protocole cg process yakurikijwe aryo naho gupfa byo ,sinabitindaho kuko mumubiri w,umuntu hahishemo byinshi kandi muganga ntabwo ari Imana gusa uyu muryango wabuze uwabo mukomeze mwihangane kubura umuntu birababaza ariko na muganga ntabwo byamushimishije gupfusha umurwayi yakurikiranaga.agakosa gato kabaye ni uko uno muyobozi atangaje amabanga y,akazi mu itangaza makuru kandi yaragombaga kuzabigaragaza mu nkiko kuko ariho byemewe honyine.

  • Umva rero ibibazo byabarwayi nabaganga bimaze gufata India ntera mu gihugu cyacu,nibs umuyobozi atwemereye kuburana uburenganzira bwacu nkabarwayi ntatwohereje guhangana nabaganga,rwose nagirango mbabwire natwe batanga ibitekerezo tujye twubaha tuniyubahe1:nkawe kagire utwo twana ushinja DG udufitite proof,nawe nuko utazwi uwakujonjora ntiyakuburamo amakosa,irinde gusebya mugenzi wawe.2:nyangezu nawe kubaza NGO DG yizehe Diplome ye niyo yamuhaye akazi ,nagirango mbabwire ko kuvura indwara iyo ariyo yose bigira protocols, ntago watekinika bcf ibyo murabivuga nkaba profane,muri carriers,kuko centre de sante ntiyafatanyanibitaro kubeshya NGO bibahire,kdi umuntu wapfiriye umwana munda ubutabazi bwambere sukubagwa hari criteria,rero twemere ko Yuri mu is I naba Dr barapfa,bagapfusha abagore,abaforomo barapfa mureke twakire uko is I yacu iteye.DG w yasobanuye neza nta banga yamennye,kuko buriya hari ibitavuzwe biriya yavuze no ibyemewe.

  • abantu muvuga ibyo ntabwo muzi imvune umuntu agirira mukazi kokuvura abantu,uriya muyobozi ibyo yavuze nibyo ,iyo ibintu byavuzwe mwitangaza makuru ntabanga riba ririmo kubisobanura nibyo tukamenya ukuri. kandi mumenyeko turimwisi, icyizakwica icyizanyica kirahari kandi ntitwabikuraho ahubwo twese twisabire iherezo ryiza.

Subiza

Your email address will not be published. Required fields are marked *