• 24/01/2020 4:34 28

Umuyobozi wa Paris uri i Kigali ngo na bo bagiye gushyiraho gahunda y’Imihigo

Umuyobozi w’umujyi wa Paris, Anne Hidalgo uri mu ruzinduko mu Rwanda yavuze ko ubuyobozi bw’uriya mugi ukomeye ku mugabane w’iburayi na bo bagiye gushyiraho gahunda yo gukorera ku mihigo.

Umuyobozi w’Umujyi wa Kigali yashimye imiyoborere y’i Kigali

Uyu muyobozi w’umugi wa Paris, Anne Hidalgo yavuze ko umujyi wa Kigali wakoze impinduka nyinshi zigaragarira mu bikorwa biri muri uyu mujyi urangwa n’isuku n’umutekano.

Avuga ko ibikorwa uyu mujyi washyizeho bishingiye kuri gahunda yo gukorera ku mihigo, ku buryo ari isomo byaha indi mijyi yateye imbere n’indi ishaka kugera ku rwego rushimishije.

Yagize ati “Ibi bizadufasha nk’umujyi wa Paris mu miyoborere yacu ndetse no gushyiraho gahunda y’imihigo.”

 

Ingoro ndamuco y’Abafaransa iri gushakirwa aho izimurirwa

Umuyobozi w’umujyi wa Kigali Rwakaziga, Marie Chantal Rwakazina yavuze ko ingoro Ndangamuco y’Abafaransa mu Rwanda [centre culturel franco rwandais) itari mu bizakorwa mu masezerano bagiranye n’umujyi wa paris, gusa ngo hari icyo bateganya kuyikoraho.

Yagize ati “Iri muri gahunda turi gukorana n’abahagarariye ambasade y’ubufaransa bari I Kigali.”

Yakomeje avugako bakiri kuganira hatazakorwa ibikorwa byo gusana aho yari isanzwe iba ahubwo ko ngo bari gushaka ahandi bakorera

Yagize ati “Hari inyubako zitandukanye barambagije tukiri kureba ko aho ziri hashobora kongera gukorerwa ibikorwa nk’ibyakorerwaga muri centre culturel Franco Rwandais mbere.”

Centre cultural Franco Rwandan yari inzu ndangamurage y’ubufaransa yakorerango mu Rwanda ikaba yarasenywe muri 2010

Umuyobozi w’umujyi wa Kigali kandi agaruka ku masezerano bagiranye n’ubuyobozi bwa Paris, avuga ko iyi migi yombi hari byinshi yakwigishanya biyiganisha ku majyambere y’abayituye.

Yagize ati “Na bo bafite ibikorwa byinshi byadufasha nk’umujyi wa Kigali nko muri siporo.”

Avuga kandi ko ubu bufatanye bushobora kuzatuma hari abashoramari b’i Paris baza gukorera mu Rwanda kuko bazaba basobanukiwe imikorere y’i Kigali n’amahirwe ahari.

Bashyize umukono ku masezerano y’ubufatanye

Josiane UWANYIRIGIRA
UMUSEKE.RW

8 Ibitekerezo

  • Abazungu baratubonye koko, mubona ririya tekinika ryacu dukora mubyitwa imihigo barijyana iwabo bigashoboka? Biriya babivuga bagirango twishime twumve ko twakoze agashya, abafaransa babyita caresser un chat dans le sens des poils. Abazungu baraturenze bafite ibindi bipimo bagenderaho mu miyoborere y’iwabo, utwayeyo ibyo twe dukora bahita bagusezerera.

  • Ariko rwose niyo yaba yarabivuze abashimisha kandi abeshya bisanzwe bya abazungu namwe mwabyanduka nki inkuru koko.? Icyambere imihigo ituma abayobozi babeshya ibitarabaye ngo baraba abanyuma, imihigo ituma ababozi bashyira rubanda kugitugu kibyo batabashije, imihigo ituma rubanda bicucura ngo abayobozi bagaragare neza. Inganda zingahe ubu zisakora kubera kwiyemeza ibyo batashobora.? Gushyira abaturage mubyiciro badakwiye…… Musigaho twe kwikirigita tugaseka bimwe dusanganywe ngo twateye imbere nyamara inzara n agashomeri binuma.

  • Ndibuka ibiherutse kubera muri Benin abaturage basenya ibiro by a Rwandair bati “non a la rwandisation du benin” uriya muzungu azajyane imihigo paris n’umuganda maze ndebe.Hari ibishoboka hano bitashoboka ahandi rwose reka daaa

  • Nibatugarurire centre culturel maze turebe niba dushobora gusesekamo abana bacu bakibonera bourse ibindi bizaza nyuma.

  • Rwose Anne Hidalgo natangize imihigo i Paris, barebe ko umujyi wabo wazagera ku rwego nk’urwo Kigali igezeho.

  • NDiBARiZA NZU NDANGAMUCO. YURWANDA Nu FRANCE IKIBANZA CYARI NTABWO CYARI CYABO?
    KUKO JYE NDIBAZA KO MWABASUBIZIZA KIBANZA BAKORERAGAMO kUKO BATUMYE RWANDA RWAMAMARA PEEE!!!!

    • Barwamamaje mugutegura no gukora Genocide no guhungisha abajenocideri. Iki barwamamajeho Niki ngo ukivuge Hank.

  • Jyenda Rwanda uri shuri ry’indashyikirwa, ubundi umuyobozi wifitemo strong leadership and management nta kuntu adakoresha imihigo kugirango agere kuri positive Results. Kuko iyo urebye gukorera ku mihigo aho bitugejeje mu gihe gito cyanee nyuma ya Genocide yakorewe abatutsi aho igihugu cyari cyahindutse itongo ntakuntu umuntu atatekereza ibyiza byo gukorera ku mihigo. ahubwo icyo umuntu yavuga n’uko igomba kunozwa ikaba results oriented dukurikije uko igihugu giteye: ubwiyongere bw’abaturage bugomba gutekerezwaho umunyarwanda ntarenze abana 2, gukoresha ubutaka neza, gutura ahantu hamwe ku midugudu (densification,…), tujya hejuru aho gukwirakwiza amazu ku butaka bwera cg bwororerwaho,….

Subiza

Your email address will not be published. Required fields are marked *