• 20/01/2020 6:23 11

Umuyaga mwinshi utambutse wasenye amashuri i Gikomero

*G.S Gikomero wasenye ibyumba 8 n’aho abayobozi b’ishuri bakorera

Nyuma y’igihe cy’isaha imwe ikigo cya Meteo Rwanda gitangaje ko Radar ziri kubona imiyaga ifite umuvuduko wa 43Km/h iza mu kirere cy’u Rwanda ituruka iburasirazuba ahantu henshi mu gihugu mu gihe cy’isaha imwe uyu muyaga hamwe warimo n’imvura wahageze, i Gikomero muri Gasabo wasenye amashuri n’umunyeshuri umwe arakomereka.

Kirehe uyu muyaga wabanje wasenyeye abantu, imibare nyayo ntiramenyekana
Kirehe uyu muyaga wabanje wasenyeye abantu, imibare nyayo ntiramenyekana

Ku rwunge rw’amashuri rwa Gikomero wahanyuze abanyeshuri bo mu mashuri abanza batari kwiga nk’uko umuyobozi w’iri shuri Gonzague Rwamucyo yabibwiye Umuseke. Ingaruka zawo zari kugira ingaruka no ku bana.

Rwamucyo avuga ko bakiri kubarura ibyo uyu muyanga wangije ariko ko wibasiye ahanini ibyumba by’amashuri yisumbuye kuko wasakambuye ibyumba umunani ndetse na ‘administration block’ y’ikigo.

Urwunge rw’amashuri rwa Gikomero rwubatse mu murenge wa Gikomero mu kagari ka Munini.

Uyu muyaga wagaragaye henshi mu kirere cy’u Rwanda ugenda ugana mu Burengerazuba bw’igihugu.

Imiyaga iriho ikomoka ku ihindagurika ry’ikirere ryateye ubushyuhe bw’inyanja nabwo butuma habaho imiyaga n’imvura biza mu buryo budasanzwe bikagira ingaruka zikomeye ku buzima bw’abantu ariko inkomoka ya mbere ya byose ikaba ari ibikorwa bya muntu byangije cyangwa bikomeje kwangiza ibimukikije.

Saa 11h30 Meteo Rwanda yari imaze gutangaza ko Radar ziri kwerekana imiyaga myinshi ivuye Iburasirazuba
Saa 11h30 Meteo Rwanda yari imaze gutangaza ko Radar ziri kwerekana imiyaga myinshi ivuye Iburasirazuba
Uyu muyaga uko wabonekaga utambuka hejuru ya Kigali
Uyu muyaga uko wabonekaga utambuka hejuru ya Kigali
I Gikomero ku mashuri wasakambuye ibyumba bigiramo
I Gikomero ku mashuri wasakambuye ibyumba bigiramo
Umuyobozi w'ishuri avuga ko ku bw'amahirwe ibyumba byangiritse abana batari barimo
Umuyobozi w’ishuri avuga ko ku bw’amahirwe ibyumba byangiritse abana batari barimo
Kuri GS Gikomero ibyumba 8 byangiritse
Kuri GS Gikomero ibyumba 8 byangiritse
Umuyaga Meteo Rwanda yari yabonye ko ufite umuvuduko wa 43Km/h
Umuyaga Meteo Rwanda yari yabonye ko ufite umuvuduko wa 43Km/h

Jean Pierre NIZEYIMANA
UM– USEKE.RW

2 Ibitekerezo

  • Haaaa, nturora se? Ibidukikije. Ntabiti bateye iruhande rw’ishuri n’ubwo ari étage ntibiyibujije kuguruka. Igiti ni ingirakamaro.

  • Nanjye ntyo! ikigo cy’amashuri kitateye ibiti koko, habuze iki? imbuga yose yabaye jardin, nta biti! Mu gihe abanyeshuri batarimo kwiga amashuri asanwa, bahabwe umuganda w’iminsi ibiri batere ibiti

Subiza

Your email address will not be published. Required fields are marked *