• 13/12/2019 6:44 03

Umusore wishe abantu i Nyanza na we yarashwe, kimwe n’uwishe umugore we i Rubavu

Abagabo babiri, umwe w’i Nyanza, uheruka gutema abantu batanu barimo abo mu muryango we n’abaturanyi, ndetse n’uw’i Rubavu wishe umugore babanaga amutemye, inzego z’umutekano ziratangaza ko barashwe bagapfa bagerageza gucika.

Gisagara wishe mubyara we na mwishywa we mu Murenge wa Muyira na we yarashwe na Polisi

Ku wa gatanu Umuseke wari wabagejejeho inkuru y’Umugabo witwa Mahangayiko wo mu Murenge wa Nyamyumba, mu Karere ka Rubavu wishe umugore we, Uzamukunda amutemeye mu murima w’ibisheke, Mahangayiko na we yishwe arashwe atoroka Polisi.

CIP Emmanuel Kayigi yabwiye Umuseke ko Mahangayiko yarashwe saa 17h00  imodoka imuvanye aho yakoreye icyaha mu Murenge wa Nyamyumba bageze mu Murenge wa Rugerero ngo yasimbutse imodoka agira ngo acike.

Ati “Yari yabaye nk’inyamaswa yikingiranye mu nzu yanze kuvamo, abaturage bayigose bamuvugiriza induru, ubwo rero yasimbutse imodoka anyuze mu maguru y’Umupolisi na we amwirukaho amurasa agira ngo ahagarare kuko yari ashotse mu kabande. Aho bamufatiye yajyanwe kwa Muganga i Gisenyi aza kugwa mu nzira.”

Undi mugabo witwa Gisagara Innocent wo mu Murenge wa Muyira mu Karere ka Nyanza, ku wa kane tariki 29 Kanama yishe umwana w’umuhungu w’imyaka 12 wa mushikiwe amutemye, ndetse na Mubyara we wari ugiye gutabara, anakomeretsa abantu batatu barimo abaturanyi be babiri na mushikiwe yari yagambiriye kwica.

Uyu na we yarashwe mu gitondo cyo kuri uyu wa gatandatu tariki 31 Kanama 2019.

Commissioner of Police, John Bosco Kabera yemereye Umuseke amakuru yo kuraswa kwa Gisagara w’imyaka 32 y’amavuko.

Ati “Yego, yararashwe ashaka gutoroka nyuma y’aho afashwe amaze kwica abantu babiri agakomeretsa batatu. Byabaye mu mu gitondo saa kumi n’ebyiri igihe abafungwa baba bajyanywe ku musarane.”

CP Kabera asaba abaturage kudakora ibyaha, no kwemera gushyikirizwa ubutabera mu gihe bakoze icyaha bagafatwa.

Ati “Ntabwo ukwiye kwiyemeza gukora icyaha kuko uzi ko uzagerageza gucika cyangwa gutoroka.”

NIZEYIMANA Jean Pierre
UMUSEKE.RW

19 Ibitekerezo

  • nge mbanumva nubundi uwo muginga mwajya mumurasa agapfa nubundi ntacyo aba yazafasha isi muri rusange usibye kuyiteza ibyago gusa

  • Izo nkoramaraso iyo ziraswa uko zishe abandi buriya izindi zahita zitinya kwica kuko zitinya kwicwa kubi , leta igarure igihano cy’urupfu nicyo cyahagarika ubwicanyi bw’izo ngegera nzumva ko kwica iricyo gisubizo cy’amakimbirane ari mu bantu

  • Icyiza nuko igihano cy’urupfu cyasubizwaho aho kugira ngo abayobozi ba Police bajye birirwa babeshya ku mugaragaro n’ibintu bitabeshyeka (ngo umuntu yaraboshye ariruka asiga abapolisi)

  • Ibi bintu byo gutangaza ko uwakoze icyaha cyo kwica nawe yishwe ngo agerageza gutoroka cg arwanya inzego zishinwe umutekano bishobora kuzadukoraho kuko bidacyemura ibibazo by’ubwicanyi. Ikindi bitanga isura mbi kunzego z’ighugu zishinzwe umutekano kuburyo zishobora iuzaterwa icyizere cyo kwoherezwa mubutumwa bwo kubungabunga amahoro kw’isi. Ikindi societe nyarwanda ishobora kuzatera icyizere inzego z’ubutabera kuko zitacyizerwa n’izishinzwe kubungabunga umutrkano.

  • Abantu nk’aba nti baraswa mu bihugu byateyimbere. Barafungwa bagashyirwa mu kato arinako bavuzwa . Judge arabitegeka, umuntu ufite ubugome ndenga kamere bamufunga nkurwaye ibisazi ari nako baba bamujombye agashinge kamubuza umujinya w’umuranguranzuzi. Akagenda akazapfa atabonanye n’abandi uretse muganga.
    Africa harakennye no gufungwa byonyine leta itanga ibigori.

    • Nkawe humanist ibyo bihugu uvuga byateye imbere ni ibihe di tubwire? Wishyira hasi kabisa, ngaho tubwire ibyo bihugu di maze turebeko abaho badahora bicwa umusubizo? Uziko hari abishyira hasi igihe cyose bumvise iby iwabo bahita bazanamo ngo ibihugu byateye imbere imbere hehe? Hatubwire maze nanjye nkwereke uko tubirusha uko gutera imbere.

  • Courage! Izi ngegera zijye ziraswa nibyo. Nabandi babirebereho kbsa. Bamenyeko igihano cy’uwigira icyigomeke ari ukunyuzwamo urusasu ntamikino.

  • Hmmm…amapingu y’iki gihe ubanza ari “ibiwani” da!

  • Ibikorwa by’abo bagabo ntawabishyigikira ariko ni ngombwa ko habaho ubutabera. Uwo warashwe yagombye kuvuga icyamuteye icyo cyaha. Ese niba yarasaze, arwaye indwara zo mu mutwe, akwiye gupfa? Birababaje kandi biragayitse rero kwumva buri gihe polisi y’Urwanda yica aho gufata abanyururu barimo amapingu ngo bashyikiriwe inkiko!

  • Indirimbo yuko umuntu yarashwe ashaka gutoroka polisi imaze kurambirana , mushake indi ntero pe. Birutwa nuko hajyaho itegeko rivuga ko umuntu uzajya yica undi azajya araswa ku mugaragaro .

  • Ayo masasu yapfuye ubusa rwose

    • Hari abatanze comments hano bavuga ko byashoboka ko abarashwe batoroka bagwaye mu mutwe ngo bari bakwiye kujyanwa kwa muganga bakavurwa ubusazi , ntabwo bagwaye ibisazi barwaye ubugome banze kureka bumva ko kwica aricyo gisubizo kumakimbirane ari mu rugo.Leta igarure igihano cy’urupfu urebe ko ubwicanyi bugabanuka kuko benshi ntabwo bahanwa bikwiye wumva uwishe umuntu igihe gito agarutse muri society kwica yabigize akamenyero urumva bagarure igihano cyo kwica bizagabanya ipfu .

    • Birasekeje cyane kbsa ngo umupolisi yamurashe agira ngo ahagarare. None c iryo sasu ritica ahubwo rigahagarika abantu ni irihe?
      Hanyuma c ubwo umuntu wambaye amapingu yirukanse asiga umupolisi barinda bagera mukabande?
      Cyereka niba polisi yari yasinziriye

  • Polisi aho bukera iramara abanyarwanda

  • Ibintu uvuga ntubisobanutse,Ahubwo nayo masasu yapfuye ubusa babagomba kwicwa nkuko bishe abandi nabo iyi mitete ngo bizatanga isura mbi urwanda rugira politics yihariye ntururebera kubandi, ubundi urumva abo bagabo bari kuzamara iki??? Ikirayi kiboze kijye kiva mubizima

  • Abapfuye bose, Imana ibahe iruhuko ridashira. Gusa Mana abagambirira kuvutsa bagenzi babo ubuzima, ujye ubahindura batarakora ibara.

  • Police yongere imyitozo ya muchaka kuko biragaragara ko police yacu nta myuka ifite gusigwa n’imfungwa iri ku ipingu ……gusa bajye baraswa mu gihorihori syi

  • nange nshigikiye ko uwishe yicwa ariko nkisekera iyo umuntu ashatse kunyumvisha ko police wayitoroka

  • Kwica ntago arigihano ahubwo nicyaha ntago uzacika urutoki ngo uhite uca nurund kugirango uhagarik amaraso.

Subiza

Your email address will not be published. Required fields are marked *