• 11/12/2019 11:53 54

Umunyamahanga washimwe n’abafana ni we Rayon Sports izakinisha

Umuyobozi wungirije wa Rayon Sports yadutangarije ko nta mukinnyi w’umunyamahanga iyi kipe izongera guha amasezerano yo kuyikinira atabanje gushimwa n’abafana, ku ruhande rw’abafana ngo ni intambwe itewe mu gukorera mu mucyo.

Umukuru wa Lucky Jersey Fan Club witwa Dieudonne Mutaganzwa yabwiye Umuseke ko iriya gahunda izazana umucyo mu gusinyisha abakinnyi

Mu kiganiro twagiranye kuri uyu wa mbere tariki 10 Kamena 2019, Visi Perezida wa Rayon Sports, Me Freddy Muhirwa yatubwiye ko ikemezo cyafashwe nyuma yo gusanga hari abantu bazana abakinnyi b’abanyamahanga bakabirije ubuhanga bafite mu kibuga, ugasanga baguzwe ku gitutu n’inyungu z’ababazanye.

Ati “Umuntu yajyaga azaba abakinnyi akatubwira ngo nimureba nabi abandi baramwiba, ugasanga muri kwa kumwiba twazanye n’umwiza turamuhisha.”

Rayon Sports ivuga ko umukinnyi abafana bakunze ibyo akora mu kibuga bamukomera amashyi, gusa ngo ububasha bwabo buzajya bugarukira aho ibindi bimenywe n’umutoza.

Me Freddy Muhirwa avuga ko hari abanyamahanga benshi bagiye bangwa n’bafana kandi bakagenda ikipe itabahaye amasezerano.

Ati “Hari uwitwa Gerard wari wavuye muri Ghana, hari uwavuye muri Cameroon, n’uwavuye muri Kenya baje abafana barabanga. Abafana bamaze kwanga abakinnyi benshi.”

Umuyobozi wa Lucky Jersey Fan Club avuga ko kiriya kemezo ari kiza kuko bajya bagira uruhare ku bakinnyi aho kuba ibyemezo bifatwa n’abayobozi gusa.

Ati “Ikiza tubona bizajya bivanaho urujijo rwo kuvuga ngo kanaka wagiye kumuzana hari inyungu afite inyuma ze, bizaba biri ku mugaragaro ko tugize uruhare kandi biciye mu mucyo.”

Rayon Sports iri mu Gikombe cy’Amahoro, umukino utaha izakina na Marines FC.

Visi Perezida wa Rayon Sports avuga ko umukinnyi w’imber emu gihugu baziho ubuhanga bitazajya bisaba abafana kugira ngo asinyishwe amasezerano muri Rayon

Jean Paul NKUNDINEZA
UMUSEKE.RW

1 Igitekerezo

  • @Umuseke,

    Ariko byabagendekeye gute ko hasigaye haboneka amakosa menshi cyane mu nyandiko zanyu? Cyane cyane nyuma y’aho muvugururiye design y’urubuga. Reba kweli nka ririya kosa muri titre y’iriya nkuru ibanza irebana na Rayon sports, ngo: “umunyamaBanga” aho kwandika “umunyamaHanga”!

    Toujours kandi muri iyo titre, ziriya capital letters zuzuyemo nabyo ni amakosa…..Uko capital letters zikoreshwa ntabwo mubizi kweli? ???

    Uretse ko na design nshya atari nziza, irimo ibi publicités byinshi bidasobanutse…… uba ugifungura urubuga ibi publicités bikaba ari byo utungukiraho na mbere yo kugera ku nkuru!

    Murakoze

Subiza

Your email address will not be published. Required fields are marked *