• 10/12/2019 5:34 50

Umubyeyi w’igihugu cyacu aracyari mu bitaro- Mnangagwa avuga kuri Mugabe

Ejo hashize ku wa mbere, Perezida wa Zimbabwe, Emmerson Mnangagwa yatangaje ko Robert Mugabe yasimbuye akiri mu bitaro muri Singapore ariko ko ari koroherwa.

Mugabe arwariye muri Singapore

Mu kiganiro yagaragarijemo ubuzima bw’igihugu, Emmerson Mnangagwa yagarutse ku buzima bw’umukambwe Robert Mugabe wahoze ayobora kiriya gihugu umaze amezi ane mu bitaro.

Ati “Perezida wa mbere akaba n’umubyeyi w’igihugu cyacu Robert Mugabe aracyari mu bitaro muri Singapore ari gufata imiti.”

Perezida Mnangagwa avuga ko Mugabe w’imyaka 95 atabasha kugenda kubera uburwayi.

Ngo mu cyumweru gishize yohereje itsinda ririmo umunyamabanga mukuru muri Guverinoma, Misheck Sibanda bajya gusura uriya mukambwe ufatwa nk’impirimbanyi ya Demokarasi muri Zimbabwe.

Mnangagwa avuga ko ririya tsinda ryasanze Mugabe ari gutora ka mitende kandi ko “Kubera ko intambwe iri guterwa biratuma Mugabe ashobora kuva mu bitaro vuba.”

Mnangagwa yagiye ku butegetsi muri 2017 nyuma y’ihirikwa ku butegetsi ryari rimaze gukorerwa Mugabe wari umaze imyaka 37 ku butegetsi.

Mnangagwa na Mugabe

UMUSEKE.RW

7 Ibitekerezo

  • Huuuu..ariko ibi nibyo abanyarwanda baciyemo umugani ngo icyo imbwa yanze umanika aho ireba! Nonese uyu siwe wirukanye abazungu mugihugu cye nimishinga yabo yose! None ndebera nibo barimo bamuvura! Ubwo bashatse banakwica rero! Umuntu yizirika kubutegetsi kugeza aho basunika nkabasunika ingorofani kubera ubusaza utarubaka nivuriro ryavura amagara yawe none dore ugiye gusaba uwo wimye! Ikibazo cy’aba presidents b’africa batangira neza ariko bagasoza nabi kuko iyo igihe bemerewe kirangiye imbaraga zabo batangira kuzikoresha mukurwanya abashaka kubasimbura kubutegetsi ubundi igihugu bakagisiribanga sinakubwira! Nkubu urebye amafaranga Museveni arimo atanga ahonga abaturage ngo batamukuraho yakabaye akora ibifitiye igihugu akamaro muri rusange! Ndasaba Imana yo mw’Ijuru ifashe President wacu ntazasoze nkaba ibyiza yakoze bitazibagirana kugirango nabana bacu bazakure babyumva. Ndebera nka Mugabe koko uko yakuwe kubutegetsi kandi ndahamyako ntamu President wa Africa wakunzwe nabaturage be nka Mugabe cyangwa Kadafi ariko amasoza yabo ateye agahinda. Buriya ikintu nabonye abanyafurika tutitaho nikintu kitwa igihe! Ushobora gukundwa kubahwa nibindi byinshi ariko mugihe cyawe ariko iyo igihe cyawe cyarangiye wangwa kuruta uko wakunzwe urasuzugurwa ntumenyeko wigeze kubahwa! Umubwiriza yaravuze ngo ikintu cyose Imana yakigeneye igihe cyacyo! Iyo utamenye igihe cyawe ngo ugikoremo ibyo ugomba nyuma y’igihe usanga byataye agaciro.

    • Wisely! Abatekereza ibi ni bake cyane.

    • Niba twese twajyaga dutekereza ko tuzasaza.Ngirango benshi bareka kugira nabi.Uyu MUGABE mureba,kera yasaga neza cyane agifata ubutegetsi.Ikibazo nuko abantu benshi bakora ibyo Imana itubuza iyo bakiri bato.MUGABE yakoze ibintu byinshi bibi:Yishe abantu bo mu bwoko bwa Ndebele barenga 20 000.Afunga abatavugaga rimwe nawe,akora ubusambanyi bukabije,etc…Umugore atunze,yamwambuye umu Colonel wo mu ngabo za Zimbabwe.
      Kuba abantu benshi bakora ibyo Imana itubuza,bizatuma babura ubuzima bw’iteka muli paradizo,nubwo iyo bapfuye abanyadini bababwira ngo bitabye Imana.Ntacyo bimaze gukomera cyane ariko mu buzima bwawe ntushake Imana,ukibera mu gushaka ibyisi gusa (ibyubahiriro n’amafaranga),kubera ko nkuko bible ivuga,abameze gutyo ntabwo bazazuka ku munsi wa nyuma ngo bahabwe ubuzima bw’iteka.

  • Ubundi aba baperezida bayoboye amarimbi!!!! Abana babo biga mu mahanga, amafranga yabo abikwa mu mahanga, iyo barwaye bivuriza mu mahanga, imyenda n’ibyo kurya ni mu mahahanga babigura…. ariko iyo bapfuye babahamba iwabo!!! Kandi ibi byose babishatse babikora iwabo ntanakimwe kibananiye!

  • @
    NKUSI NORBERT
    Waruvuze ukuri ariko aho ubyicyiye nuko uvuzeko U Rwanda arirwo cyitegererezo. kandi twikorera ibiseke dusaba abayobozi kuguma kubutegensi.

    • @Nkusi

      Singapour babaye abazungu ryari? Asia (Singapour) aho yagiye kwivuza ituwe n abatari abazungu

  • Intwari y’Afrique ,UMUSAZA wacu Imana Imurinde mu zabukuru ze ,kandi ndashimira cyane President wamusimbuye ko akomeza guha icyubahiro umukambwe yasimbuye . Ni urugero rwiza

Subiza

Your email address will not be published. Required fields are marked *