• 20/01/2020 8:55 34

Uko uba mugufi niko ibyago byo kurwara Diyabeti yo ku rwego rwa 2 byiyongera

Ubushakashatsi bwasohowe  kuri uyu wa Kabiri mu kinyamakuru  kivuga ku buzima n’ubuvuzi kitwa Diabetologia  bwemeza ko bugaragaza ko uko umuntu aba mugufi ariko agera ibyago byo kurwara indwara y’igisukari( Diabetes Type 2) yo ku rwego rwa kabiri.

Abantu bagufi bafite ibyago byinshi byo kurwara diyabete yo ku rwego rwa kabiri

Buriya bushakashatsi bwerekana ko uko umuntu aba muremure ho nka sentimetero 10 ari ko ibyago bya kurwara iriya ndwara bigabanuka.

Ngo kugabanuka kwiriya ndwara ku bantu barebare biri ku kigero cya 41%  mu bagabo mu gihe biri ku kigero cya 33% mu bagore.

Ibyago byo  kurwara iriya ndwara ku bantu bagufi bihuzwa cyane n’uko inyama zo mu nda nk’umwijima, ziba zifite akaga ko kwirundwaho n’ibinure, bakarwara indwara zifata umutima harimo umuvuduko muke w’amaraso n’izindi.

Ikindi ngo  umusemburo wa Insulin ndetse n’imikorere y’uturemangingo twihariye two mu mpindura( Pancreas) dukora imisemburo tuba dukora neza  ku bantu barebare ugereranyije n’abagufi.

Inyigo yaturutse mu ibarura ryakorewe ku bagore 16,600 n’abagabo 11,000 bari hagati y’imyaka 40 na 65 mu mujyi wa  Postsdam mu Budage  hagati y’umwaka wa 1994 na 1998, yerekanye ko indeshyo ari ingingo yashingirwaho harebwa ibyago byo kurwara iriya ndwara.

Bisanzwe bizwi ko abantu barwaye iriya diyabeti baba bafite isukari nyinshi mu maraso ituruka ku mu biribwa n’ibinyobwa barya.

Kugeza ubu ngo abantu barenga miliyoni 420 ku isi barwaye diyabete. Hari impungenge ko iyi mibare izazamuka ikagera kuri miliyoni 629 mu mwaka wa 2045

Indwara ya Diyabeti ibamo amoko abiri:

Ubwoko bwa mbere: ni Diyabete umuntu ashobora kurwara kuva mu bwana.  Iyi ikaba yaragaragaye ku kigero cya  10% cy’izasuzumwe.  Iterwa n’uko umubiri udakora  umusemburo wa Insulin ufasha mu kuringaniza isukari  mu maraso.

Ubwoko bwa Kabiri: Umubiri ukora insulin ariko idahagije, bivuze ko isukari yitwa  Glucose iguma mu maraso. Ubu bwoko nibwo bwoko bwa Diyabeti bufite aho buhuriye n’umubyibuho ukabije kandi bushobora gutera uwayirwaye guhuma, kwangirika impyiko, indwara z’umutima no guturika kw’imiti ijyana amaraso ku bwonko ( ibyo bita stroke).

Hari abemeza ko kuba mugufi byongera ibyago byo kurwara Diabetes

UMUSEKE.RW

1 Igitekerezo

  • Dore icyo nangira research!
    Byaravuzwe ko hari ibintu bushobora kuzavumburwa, bikaba byatuma bamwe bibakomerera kubona service zimwe, nka medical insurance,…
    None ndabona bitangiye ! Mbega Isi

Subiza

Your email address will not be published. Required fields are marked *