• 08/12/2019 11:00 45

Uganda: Undi muntu ukekwaho kurwara Ebola yapfuye

Abayobora urwego rw’ubuzima mu karere ka Masaka muri Uganda baratangaza ko kuri uyu wa Kane hari umurwayi wagaragazaga ibimenyetso bya Ebola wapfiriye mu bitaro bya Kitovu Missionary Hospital.Yari umwana w’imyaka umunani witwa Shanitah Nambajjo wigaga mu ishuri  ribanza rya  Good Hope Primary School mu Karere ka  Kyotera.

OMS iherutse gutangaza ko Ebola ari icyorezo cyugarije Isi

Yajyanywe mu bitaro ku wa Gatatu. Urupfu rwe rwateje impagarara mu baganga n’abaturage bo mu gace ishuri rye riherereyemo.

Dr Edward Muwanga wo mu bitaro byakiriye uriya murwayi yagize ati: “ Nibyo koko twakiriye uwo murwayi tumukekaho kurwara Ebola. Twafashe ibizamo dutegereje ko batubwira ibyavuyemo. Biri gusuzumirwa mu kigo kitwa Uganda Virus Research Institute-UVRI kiri Entebbe.”

Yavuze ko abaganga n’abandi bakora mu nzego z’ubuzima bagiye ku kigo uriya mwana yigagaho ndetse n’iwabo kugira ngo barebe ko nta wundi waba agaragaraza ibimenyetso nk’ibye.

The Monitor

Jean Pierre NIZEYIMANA

UMUSEKE.RW

Subiza

Your email address will not be published. Required fields are marked *