• 11/12/2019 10:17 55

Uganda: NRM ikeneye imyaka 50 ngo ibe ‘ubukombe’

Umuvugizi wa Guverinoma ya Uganda, Ofwono Opondo avuga ko ishyaka riri ku butegetsi (National Resistance Movement) ritarakura, ngo ni nk’umwana ukiga kugenda. Avuga ko hakenewe imyaka 50 ngo ribe ubukombe.

Opondo avuga ko NRM ikeneye byibura imyaka 50 ngo ibe ubukombe
Opondo avuga ko NRM ikeneye byibura imyaka 50 ngo ibe ubukombe

Uyu mugabo usanzwe yungirije Chairman wa NRM avuga ko imyaka 33 ishyaka rimaze rivutse ritarakura bihagije kugira ngo rikomeze imigabo n’imigambi rifitiye abaturage.

Ati: “Imyaka 33 ku ishyaka nk’iri ryacu ntabwo iba ihagije ngo ribe rikuze. NRM ni ishyaka rikiri rito cyane. Dukeneye nibura indi myaka 50 ngo tube ubukombe.”

Ngo niba hari abantu bumva ko ibyo yavuze bidashyize mu gaciro birabareba, icyo azi kandi yemera ngo ni uko NRM ikeneye igihe kirekire ngo ikorere abaturage.

Muri 2014 uwahoze ari Minisitiri w’Intebe Amama Mbabazi yabwiye abanyamakuru ko NRM ifite igihe kirekire itegeka Uganda kuko abaturage bayifitiye ikizere gisesuye.

Opondo avuga ko nubwo NRM ihagaze neza kandi izakomeza gukora ngo hakenewe kugira ibyo inoza mu mirongo mikuru iyigenga.

Jean Pierre NIZEYIMANA
UM– USEKE.RW

1 Igitekerezo

  • Oya 50 nimike rikeneye imyaka 500.

Subiza

Your email address will not be published. Required fields are marked *