• 08/12/2019 11:51 45

Uganda: Havutse umutwe ‘witwaje intwaro’ wiswe B13, Police iwita uw’amabandi

Muri Uganda mu gace  ka  Bungatira mu Ntara ya Gulu hamaze iminsi havugwa umutwe abaturage bemeza ko abawugize baba bafite intwaro bakica abantu, bakanasahura. Police ivuga uriya mutwe ugizwe n’amabandi, ko bidakwiye kuwita uw’abarwanyi.

Okema avuga ko abavuga ko B13 ari umutwe w’abarwanyi bakabya cyane

Umuvugizi wa Police muri kariya gace witwa CIP Jimmy Patrick Okema avuga ko abagize uriya mutwe ari abasore b’imburamukoro batungwa no kwambura abahisi n’abagenzi cyane cyane abagore.

Ati: “ Kuvuga ko abagize uriya mutwe ari abatwanyi byaba ari ukudashyira mu gaciro. Ni abasore babuze uko bigira, bahitamo kujya bambura abahisi ariko twabonye ko bakunda kwibasira abagore bakabambura amasakoshi.”

Okema avuga ko rwose uriya mutwe uhari ariko ngo ntibikwiye ko witwa uw’abarwanyi.

Kugeza ubu nta mutwe w’abarwanyi uzwi warwanyaga Leta uri ku butaka bwayo.

Uzwi cyane ni Lord Resistance Army ukorera muri Repubulika ya Centrafrique.

ChimpReports 

Jean Pierre NIZEYIMANA

UMUSEKE.RW

 

3 Ibitekerezo

  • Rebellions zo muli Africa ni nyinshi cyane.Ibihugu bidafite ababirwanya nibyo bike.War is not the solution to mankind problems.Imana ntabwo yaturemeye kurwana,ahubwo yaturemeye gukundana.Twese abatuye isi duturuka ku muntu umwe.Abashaka intambara,ni ukubera inyungu zabo gusa:Ibyubahiro n’amafaranga.Ariko babigeraho habanje gupfa abantu benshi cyane.Nyamara bakitwaza “akarimi keza”,ngo baje kubohora igihugu.Niko inyeshyamba zose zivuga.Umukristu nyakuri,abima amatwi,akanga kubarwanirira.

  • B13!! Amazina yabo asigaye ameze nka pulaki z’imodoka! Aba baracyari inyuma pe! Ubu se bazajya kugera nko ku izina rya M23 nyuma y’imyaka ingana gute?

    • Nyuma yimyaka 10 haaaaaaaaa!

Subiza

Your email address will not be published. Required fields are marked *