• 11/12/2019 10:37 18

Ubuyobozi bwa Etincelles FC buracyavugana na Seninga Innocent, hari ibitaranozwa

 Perezida w’Ikipe Etincelles FC y’Akarere ka Rubavu Gedéon Ruboneza avuga ko amakuru y’uko Seninga Innocent yamaze kuba umutoza mukuru wa Etincelles mu buryo bwuzuye atari yo ahubwo ko hari ibyo bakiganiraho bataranoza. Ngo hari ikipe ntirafata umwanzuro ku mutoza bari basanganywe witwa Abdour Karim Nduhirabandi bakunda kwita Coka.

Ng hari ibitaranozwa ngo Seninga agaruke muri Etinceles FC y’i Rubavu

Muri iki gihe ngo  Coka yahagaritswe by’agateganyo kandi ntararangiza amasezerano muri Etinceles.

Nubwo ngo EtincelesFC  iri mu biganiro na Seninga ngo ntiyafata umwanzuro wa nyuma ku byerekeye kumuhaga akazi kandi hari ibitarasobanuka hagati y’ikipe n’uwari usanzwe ayitoza.

Ati: “Twatangiye kuvugana na Seninga ariko ntabwo twavugana tutararangizanya nuriya wa mbere.”

Ruboneza avuga ko ikipe ye yifuza umutoza uzayifasha kuba kandi ikaguma mu makipe ane ya mbere mu kiciro cya Mbere cya Shampiyona y’u Rwanda.

Kuri we ngo nta kibazo cy’abakinnyi badashoboye afite.

Seninga Innocent yigeze gutoza Etincelles FC ariko aza kuyivamo ajya muri Police FC.

Ubuyobozi bwa Etincelles buravuga ko bitarenze taliki ya 20, Kamena, 2019 bazaba baramaze gusinyisha umutoza mushya.

Kuri uyu wa Mbere hari amafoto yagaragaye ku mbuga nkoranyambaga Innocent Seninga  ari kuri Stade ya Rubavu n’abafana bake babyina bamwereka ko bamwishimiye ko yongeye kugaruka muri iriya kipe.

Seninga yigeze gutoza Etinceles guhera muri 2015 kugeza 2016.

Muri uyu mwaka wa Shampiyona Etincelles FC yarangije iri ku mwanya wa 8 n’amanota 37

Gedeon Ruboneza avuga ko hari ibyo bakinoza kugira ngo babone kuzana Seninga ngo atoze Etinceles

Jean Paul NKUNDINEZA
UMUSEKE.RW

Subiza

Your email address will not be published. Required fields are marked *