• 11/12/2019 11:35 11

Ubuyapani: Yateye icyuma abana bari bagiye ku ishuri barakomereka cyane

Abana bari bateze bus bagiye ku ishuri mu murwa mukuru Tokyo batewe ibyuma n’umugabo w’imyaka 50. Aba bana bari bahagararanye n’abandi bantu bakuru. Uwabateye icyuma yishemo abantu babiri barimo umwana umwe w’umukobwa n’umugabo w’imyaka 39. Bus bari bayitegeye mu mugi wa Kawasaki.

Police yatabaye ngo irebe ko yafasha abakomerekejwe n’ibyuma batewe n’umugabo wabasanze bateze bus

Uriya mugabo wateye bariya bantu ibyuma nawe yahise akitera mu ijosi igikomere kimuviramo urupfu.

Kugeza ubu Police ntiramenya icyaba cyamuteye gukora biriya.

Urubuga rwandika kuri murandasi rwitwa Kyodo ruvuga ko 16 mu bakomerekejwe n’icyuma uriya mugabo yari afite ari abana b’abakobwa bari bagiye kwiga.

Police yaje isanga ahabereye biriya hari ibyuma bibiri bityaye biriho amaraso

Umwe mu babonye ibyabaye yabwiye Police ko uwakoze biriya yasanze abana b’abakobwa batonze umurongo bategereje bus mu buryo bwihuse atangira kugira atera buri wese icyuma.

Ngo yahise asimbukira muri bus yari aho atera n’abandi bana yasanzemo icyuma

Ati: “ Biteye ubwoba kubona ibintu nabonye. Ntibizamva mu mutwe.”

Uwabikoze nawe ngo yahise yitera icyuma inshuro enye kuko Police yamusanganye ibikomere bine mu ijosi.

Umugi wa Kawasaki uturanye n’umurwa mukuru Tokyo

 

BBC

Jean Pierre NIZEYIMANA

UMUSEKE.RW

Subiza

Your email address will not be published. Required fields are marked *