• 08/12/2019 11:50 16

Ubuyapani: Yabasanze muri Studio abatwikiramo hapfa 24

Police y’Ubuyapani yafashe umusore wiyemerera ko ariwe wasutse igisukika(liquid) cyaka akagikongeza kigatwika abakozi bari bari muri studio ikora video zicishwa kuri televiziyo zitandukanye . Hamaze kubarurwa abantu 24 bapfuye hakomereka bikomeye abandi 36.

Abakozi bari barimo bakora inkuru zishushanyije umuntu abasangamo arabatwika

Byaraye bibereye mu mujyi wa Kyoto. Uwabikoze nawe yakomeretse ariko ntiyapfa, Police iramufata.

Yemereye Police ko ariwe we wabikoze ariko ntiharatangazwa icyabimuteye.

Abarokotse kiriya gitero bavuze ko uwabikoze yaje asakuza ababwira ati: “ Murapfuye! Murapfuye!”

Ngo yahise amena hasi kiriya gisukika arangije akirasiraho umwambi umuriro uraka.

Ishami rya Police y’Ubuyapani rishinzwe kuzimya umuriro ryavuze ko ubwo byabaga muri iriya studio harimo abantu 70 bari mu kazi.

Kiriya kigo kitwa Kyoto Animation( kizwi cyane nka KyoAni) cyashinzwe muri 1981.

Ni ikigo kizwi cyane mu gushushanya inyandiko zishyirwa mu bitabo cyangwa zigacishwa muri za televiziyo.

Inyandiko zaa KyoAni ziba zirimo inkuru zisekeje cyangwa zerekana ubuzima bw’Abayapani muri rusange.

Iki kigo gikorwamo n’abakozi 160.

KyoAni ni studio ikora inkuru zishushanyije zikunzwe mu Buyapani

Daily Mail

Jean Pierre NIZEYIMANA

UMUSEKE.RW

Subiza

Your email address will not be published. Required fields are marked *