• 19/01/2020 8:53 38

Ubuyapani: Ubushyuhe bwinshi bumaze guhitana abantu 30 abandi bari mu bitaro

Leya y’u Buyapani yasabye abaturage bayo gufata ingamba zabafasha kugabanya ibyago byo kwicwa n’ubushyuhe kuko ngo ikirere kiri gushyuha cyane. Hagati muri iki Cyumweru ubushyuhe bwari bwageze kuri 40C mu murwa mukuru Tokyo. Ngo abantu 30 biganjemo abana n’abageze mu zabukuru bamaze gupfa.

Ubushyuhe bugera kuri degree 40 C buri guhitana abantu batuye Tokyo

BBC ivuga ko ubushyuhe nk’ubu bwaherukaga muri kiriya gihugu mu Kinyejana cya 19 CE

Minisiteri y’uburezi yasabye ibigo gushaka uburyo byarinda abana kugerwaho n’ubushyuhe bwinshi kugira ngo badataka amazi bikaba byabaviramo urupfu.

Ikigo cy’u Buyapani gishinzwe iteganyagihe cyasabye abaturage kunywa amazi menshi kuko ngo ubushyuhe buzakomeza kwiyongera kugeza byibura mu Cyumweru gitaha rwagati.

Nubwo muri Tokyo hari ubushyuhe bwinshi ngo mu Burengerazuba ho hari imyuzure myinshi imaze guhitana abantu bagera kuri 200.

Jean Pierre NIZEYIMANA

UM– USEKE.RW

 

0 Igitekerezo

  • Hali ibintu byinshi birimo kubera ku isi bitabagaho mbere:Ubushyuhe bukabije,Imvura idasanzwe,Imiyaga ikaze cyane,Tsunamis zikomeye,etc…
    Muribuka Tsunami yishe abantu barenga 250 000 iturutse muli Indonesia.Ibi byose biterwa na Climate Change,nayo iterwa nuko abantu bangije Ikirere (Air Pollution).Byiyongera ku ikorwa ry’intwaro za kirimbuzi naryo ridasanzwe kuko noneho barimo gukora intwaro zitabagaho mbere (hypersonic missiles) zigenda +5000 km mu isaha.Nubwo abantu benshi batabyemera cyangwa batabyitayeho,ibi bintu bidasanzwe birimo kubera ku isi,byerekana ko turi mu minsi y’imperuka ivugwa muli bible.Abahanga benshi nabo barabyemeza.

Subiza

Your email address will not be published. Required fields are marked *