• 24/01/2020 3:39 02

Ubushinwa bwatangije ubushakashatsi k’ugukora Internet ya 6G

Nyuma gato y’uko hatangijwe murandasi ifite umuvuduko uruta uwari usanzweho inshuro 100 yiswe Firfth Generation( 5G) kuri uyu wa Gatatu u Bushinwa bwatangiye ubushakashatsi bw’uburyo hakorwa indi murandasi yihuta kurushaho bise 6G.

6G niyo igiye kuzasimbura 5G

Minisiteri y’ubumenyi n’ikoranabuhanga y’u Bushinwa ejo nibwo yatangaje ko hashyizweho ibigo bibiri bigomba gukora iriya murandasi.

Kimwe muri ibi bigo gikorerwamo n’amashami ya za Minisiteri zifite aho zihuriye n’ikoranabuhanga n’umutekano.

Ikindi kigo kiganjemo abanyeshuri muri Kaminuza, abarimu ba Kaminuza, ibigo by’abikorera bikora ibyerekeye ikoranabuhanga, aba bakazajya bagira inama abo mu kigo twavuze haruguru mu gushyiraho politiki zigenga imikorere ya 6G.

Minisitiri wungirije muri Minisiteri y’ubumenyi n’ikoranabuhanga witwa Wang Xi yabwiye abanyamakuru ko ikoranabuhanga mu isi rikomeje gutera imbere kandi ko umusaruro waryo udasiba kwiyongera.

Yavuze ko Minisiteri ye izakomeza gukorana n’abahanga kugira ngo hashyirweho imikorere ya 6G , n’amabwiriza ayigenga.

China.org.cn

Jean Pierre NIZEYIMANA

UMUSEKE.RW

Subiza

Your email address will not be published. Required fields are marked *