• 18/01/2020 7:41 42

Ubushinwa bwatangije 5G , ngo bizabuzamura mu bukungu kurushaho

Kuri uyu wa Gatanu taliki 01, Ugushyingo, 2019 nibwo ibigo bitatu bikomeye bitanga murandasi mu Bushinwa byatangaje ko bitangiye icyo bita 5G ni ukuvuga Fifth Generation, iyi ikaba ari internet yihuta inshuro zigera ku 100 ugereranyije niyari isanzwe ikoreshwa ku isi.

Kuba u Bushinwa bwatangije 5G ngo ni intwaro ikomeye buzanye mu guhangana na USA mu by’ubukungu

Wari umugambi ibigo by’Ubushinwa bikora ibyerekeye ikoranabuhanga byari bimeranye igihe ariko mu ibanga.

Kugeza ubu ngo 5G mu Bushinwa izajya igurwa US $18 ku kwezi, kandi biteganyijwe ko umwaka utaha uzarangira hari Abashinwa bangana na miliyoni 110 bakoresha 5G.

Ubu ngo ibigo bya Huawei, China Mobile, ChinaUnicom na China Telecom bigiye gukorana bya hafi hakorwe telefoni zifite ubushobozi bwo gukoresha internet iri ku muvuduko wa 5G.

Hari abahanga mu by’ikoranabuhanga bavuga ko 5G nikwirakwizwa henshi izaba ihendutse ugereranyije n’uko 4G igura muri iki gihe, ibi ariko ngo bizabaho cyane cyane mu Bushinwa kuko ari naho hari isoko rinini ry’ibikoresho.

Bitewe n’umuvuduko udasanzwe wa 5G( ni ukuvuga uruta inshuro 100 uwa 4G) ngo ubuzima buzahinduka mu isi bitewe n’uburyo iriya internet izaba ikoreshwa mu bintu byinshi harimo no gutwara imodoka, n’ibindi.

N’ubwo hari hantu 5G yakoreshwaga( muri USA, Australia, mu Bwongereza, Ubusuwisi, Espagne na Monaco) ngo kuba itangijwe ku isoko ry’u Bushinwa bizatuma buzamuka cyane mu gukoresha murandasi bwigarurire iri soko.

Abasesenguzi bemeza ko gutangiza 5G mu Bushinwa bizabuteza intambwe mu bukungu kurushaho. Ngo ni amayeri akomeye ya Leta y’u Bushinwa kugira ngo buhangane na USA mu bukungu.

Ubushinwa nibwo bwa mbere bufite abaturage benshi bakoresha murandasi nyinshi ku isi

Reba uko 5G ikora:

Jean Pierre NIZEYIMANA

UMUSEKE.RW

1 Igitekerezo

  • ibi nibinyoma;ntakindi gihugu gifite 5g, usa na south korea bita 4g yabo 5g

Subiza

Your email address will not be published. Required fields are marked *