• 11/12/2019 10:03 35

Uburyo bwiza bwo kwambara ‘costume’ yonyine nta mwenda wambaye imbere

Uko iminsi igenda iza niko abahanga mu guhimba imyambaro bashyira hanze uburyo bushya bwo kwambara imyenda igezweho. Hari abashobora kugarura imyambaro yagezweho mu bihe byo hambere nk’uko hari n’abandi bahitamo kuzana ibishya ku isoko. Muri iyi nkuru turarebera hamwe uko umusore cyangwa umukobwa barimba ‘costume’ yonyine utambaye undi mwenda imbere.

Abasore n’abagabo nabo bambara uyu muderi ugizwe no kurimba costume yonyine gusa

Ubusanzwe kwambara costume byari bimenyerewe ko uwahisemo kuyambara ashonbora ashyiramo ishati rimwe na rimwe akaba yarenzaho karuvati n’ibindi.

Ku bakobwa ho bahitamo gushyiramo agashati keza cyangwa bakambarana n’ikindi kintu kibakingira mu gatuza. Ariko ubu siko bikimeze, kwambara gutyo byarahindutse.

Mu myaka ibiri ishize nibwo kwambara ‘costume’ yonyine byatangiye kuza ku isoko ariko cyane ababyambaraga bari abasore n’abagabo, ubu n’abakobwa basigaye bakunda kwambara uyu muderi cyane.

Hari abashobora guhitamo kwambara costume isa n’ipanatalon abandi bagahitamo kuyambarana n’ikindi kintu nk’ijipo, indi pantalo bidahuje ibara, ikabutura n’ibindi.

Akenshi mu bambara iyi myenda bahitamo kuyijyanisha n’ingofero, ibikapu byiza. Ariko hari n’abandi bahitamo kwambara inkweto zizwi nk’ingozi n’izindi ziciye bugufi zizwi nka sneakers zisanzwe zimenyerewe muri sport.

Twabibutsa ko akenshi iyi style yo kwambara costume gusa isanzwe inambarwa n’abitwa aba saperi uretse ko uyu ari umuco n’abandi bantu basigaye batira bakabikora bagamije gusa neza no gushyira itandukaniro mu myambaro yabo n’abandi.

Mu mafoto wareba uburyo butandukanye bwo kurimba costume yonyine gusa utambaye undi mwenda imbere.

Robert KAYIHURA
UM– USEKE.RW

1 Igitekerezo

  • iyo ni fashion hovyo ntanubwo izamara kabiri……….

Subiza

Your email address will not be published. Required fields are marked *