• 18/01/2020 12:48 30

Uburusiya: Abakobwa 2 bishe mugenzi wabo bamuziza ko yabarushaga ubwiza

Police y’Uburusiya yataye muri yombi abakobwa babiri bakekwaho  kwica banize mugenzi wabo w’imyaka 17 ngo kuko yari mwiza cyane kandi akabyigamba. Umurambo wa nyakwigendera Police yawusanga mu gihuru kiri ahitwa Arkhangelsk. Ngo abamwishe babanje kumukubita amacupa, barangije baramuniga.

Ishyari bagenzi be bamugiriye niryo ryatumye bamwica nabi

Abakobwa bafashwe biyemereye ko aribo bishe mugenzi wabo. Bombi bafite imyaka 16 y’amavuko.

Umwe yitwa Irina undi akitwa Lina. Umwe mu bapolisi bakoze iperereza kuri buriya bwicanyi yavuze ko abariya bakobwa biyemereye ko bishe mugenzi wabo kuko yari mwiza kandi akajya abyigamba.

Ngo bagize bati: “ Vika yari umwirasi, yahoraga atubwira ukuntu ari mwiza kandi ko ubwiza bwe butuma abantu bose bamukunda bakamurangarira.”

Police ivuga ko kugira ngo bariya bakobwa bashobore kwica Vika bamusabye ko bajyana ahantu bakishimana, bagasangira akayoga.

Yarabemereye barajyana bagezeyo baranywa abandi babonyeko Vika umusemburo wamufashe nibwo bamukoreye ibya mfura mbi nk’uko Police ibivuga.

Umwe muri bo yafashe Vika aramuturutse inyuma hanyuma undi afata icupa bari barangije kunyweramo arakatisha Vika mu maso nyuma baramuniga.

Amakuru  Police yahawe na bamwe mu nshuti za bariya bakobwa avuga ko ubusanzwe byagaragaraga ko Vika, Irina na Lina bari inshuti k’uburyo ntawari gukeka ko bamwica.

Ubucamanza nibubahamya icyaha bazakatirwa gufungwa imyaka 15.

Daily Mail

Jean Pierre NIZEYIMANA

UMUSEKE.RW

1 Igitekerezo

  • Why all this wickedness in the world? ISHYARI ritera ibintu byinshi bibi: Ubwicanyi,inzangano,Coups d’état,Intambara,etc…Urugero,bamwe bavuga ko Uganda ifitanye ibibazo n’u Rwanda kubera ko rurimo gutera imbere kurusha Uganda.Gahini (Cain) yishe murumuna we Abel kubera ishyari.Nkuko bible ivuga,ishyari riri mu bintu bizatuma abantu benshi babura ubuzima bw’iteka.Niyo mpamvu abakristu nyakuri birinda kugira ishyari,bakimakaza urukundo.Tuge twibaza ukuntu isi yamera neza turamutse dushyize mu bikorwa ibintu Imana idusaba binyuze kuli bible.Isi yaba paradizo.Inzangano,amashyari,intambara,amanyanga,akarengane,ubusumbane bukabije,ruswa,ibiyobyabwenge,family violence,gucana inyuma,ubusambanyi,ubusinzi,etc…byavaho burundu.Ndetse na police ntiyaba ngombwa.Ibyo byananiranye,umunsi umwe bizavaho burundu,kubera ko ku munsi wa nyuma,Imana izakura mu isi abantu bose bakora ibyo itubuza,nkuko yabigenje ku gihe cya Nowa.It is a matter of time.

Subiza

Your email address will not be published. Required fields are marked *