• 24/01/2020 1:45 16

France: Ubujurire bwa Nicolas Sarkozy bwatewe utwatsi, asabwa kwitaba akiregura

Urukiko rw’Ubujurire bwo mu Bufaransa mu murwa Mukuru, Paris rwatangaje ko ubujurire bwa Nicolas Sarkozy wahoze ari Perezida w’igihugu, wasabaga kutarwitaba kuko ngo ibyo aregwa ari ibyo bamuhimbiye, hanzuwe ko nta shingiro bufite.

Sarkozy yategetswe kuzitaba urukiko ku italiki izatangazwa mu minsi iri imbere

Nicolas Sarkozy ashinjwa guhimba inyandiko zemeza ko aho yakuye amafaranga yo gushyira mu kwiyamamaza kwe ari ahantu hizewe kandi abagenzacyaha barasanze abeshya.

Sarkozy yatsinzwe amatora y’Umukuru w’Igihugu yabaye muri 2012 yari ahanganyemo na Francois Hollande.

Bivugwa ko Abagenzacyaha basanze yarakoresheje miliyoni 43 z’amaEuro kandi itegeko ryaravugaga ko nta mukandida urenza miliyoni 22 z’amaEuro.

Abunganira Sarkozy bari bamaze igihe basaba urukiko kudaha agaciro iby’Ubushinjacyaha buvuga, bakemeza ko nta shingiro bifite.

Abashinjacyaha bo bavuga ko yahimbye impapuro zituma yerekana ko amafaranga yose yakoresheje yiyamamaza yayakoresheje mu buryo bwemewe n’amategeko.

Sarkozy yemeza ko niba harabayeho n’uburiganya mu ikorwa rya ziriya mpapuro byaba byarakozwe n’ikigo Bygmalion cyari cyaratsindiye isoko ryo kugena uko imari yo kwiyamamaza kwe yagombaga gucungwa.

Icyaha nigihama Nicolas Sarkozy azafungwa umwaka acibwe n’amade ya 3750 y’amaEuro.

Uyu mugabo wayoboye u Bufaransa asimbuye nyakwigendera Jacques Chirac ari kureganwa n’abandi 13.

RFI

Jean Pierre NIZEYIMANA
UMUSEKE.RW

3 Ibitekerezo

  • Amafaranga ya Kadafi yariye ubu numuzimu we uri kumukurikirana hamwe nabandi ba perezida ba Africa bamugiye inyuma muruwo mugambi mubisha.

  • Uyu yishe Kadafi azabona ingaruka kugera apfuye,ntamuntu usahura, wica ugira amahoro.

  • Amande ya 3750 euro gusa!!! Ntacyo bimutwaye.

Subiza

Your email address will not be published. Required fields are marked *