UBufaransa: Bigaragambije bamagana icyemezo cya Macron cyibahatira gukingirwa COVID-19 - UMUSEKE

UBufaransa: Bigaragambije bamagana icyemezo cya Macron cyibahatira gukingirwa COVID-19

Ukeneye kwamamaza! Gusobanuza! Gutanga amakuru? Hamagara 0788772818

Abafaransa ibihumbi kuri uyu wa Gatandatu tariki ya 17 Nyakanga 2021, bakoze imyagaragambyo bamagana icyemezo cya Perezida Emmanuel Macron gihatira abakora mu nzego z’ubuzima kugira icyangombwa cyerekana ko bakingiwe COVID-19 kugira ngo bemererwe kujya ahantu hahurira abantu benshi nko mu tubari, resitora n’ahandi hakinirwa imikino itandukanye.

                                             Imyigaragambyo ikomeje gufata indi ntera mu Bufaransa.

Muri iki cyumweru Macron yatangaje ingamba nshya zo guhangana n’ubwiyongere bukabije bw’ubwandu bwa Coronavirus .

Ni ibintu abigaragambya bavuga ko bibangamira ubwisanzure by’umwihariko ku badashaka gufata urukingo rwa COVID-19.

Izi ngamba nshya nizo zakuruye imyigaragambyo mu bice bitandukanye by’u Bufaransa bituma Polisi itera ibyotsi biryana mu maso abigaragambya mu rwego rwo kuyihosha.

Umwe mu bigaragambya witwa Chrystelle yavuze ko Perezida adafite uburenganzira bwo gufata icyemezo ku buzima bw’umuntu.

Yagize ati “Umuntu ni we ugomba kugenga umubiri we, Perezida nta burenganzira afite bwo gufata icyemezo ku buzima bwange.”

Minisitiri w’Intebe w’Ubufaransa, Jean Castex, ubwo yasuraga ikigo kiri mu Majyepfo y’u Burengerazuba bw’u Bufaransa, yavuze ko gukingirwa atari itegeko ko ahubwo ari bwo buryo bwonyine bwo ku rwanya Coronavirus.

Kuri uyu wa Gatandatu, Minisitiri w’intebe yatangaje kandi ko mu rwego rwo gukumira ubwandu bwa COVID-19 hagomba gukazwa ingamba ku bakerarugendo bava hanze y’Igihugu batikingije Covid-19.

Ni mu gihe abandi bose bagaragaza icyemezo cy’uko bikingije COVID-191 amarembo afunguye.

Imibare y’abandura mu Bufaransa igenda yiyongera umunsi ku munsi, Muri Mata uyu mwaka umubare w’abandura ku munsi wavuye ku 42,000 ugera ku 2000 muri Gicurasi. Kugeza ubu ku munsi hari kwandura abagera 11.000 .

Ni mu gihe mu Bufaransa 55.1% bafashe urukingo rumwe rwa Coronavirus mu gihe 44.2% bafashe dose ebyiri z’urukingo gusa ntibituma imibare irushaho kwiyongera.

UBufaransa: Bigaragambije bamagana icyemezo cya Macron cyibahatira gukingirwa COVID-19

REBA YouTube Channel UMUSEKE TV video nziza nk’iyi. UKORA LIKE SHARE na COMMENT

TUYISHIMIRE RAYMOND / UMUSEKE.RW

3 Ni byo bitekerezo bimaze gutangwa

  • Ni mu gihe izo nkingo zikomeje kumara abantu …

    • Abigaragambiriza icyo gitekerezo ndabashyigikiye,rwose turabyumva kimwe izi nkingo nta kiza cyazo.

  • Arikokukoabiyitaabahangabadashishikazwa no gukora imiti ahubwo bagahugira mu nkingo??? Asyiii weeee!!! Nonese niba inkingo zidarinda 100% barashya barura iki? Gukomeza kumunga imibiri y’abantu gusaaaaa kubw’inyungu zabo ? Mana Wowe Murengezi ukwiye kudukiza amashitani.

Subiza

Your email address will not be published. Required fields are marked *