• 24/01/2020 1:39 30

U Rwanda rwishimiye ko GDP mu gihembwe B 2019 yazamutseho 12, 2%

Ministeri y’Imari n’Igenamigambi n’Ikigo cy’Igihugu cy’Ibarurishamibare (NISR), batangaje ko mu gihembwe cya kabiri  cya 2019 umusaruro mbumbe w’igihugu (GDP) wiyongereye ku kigereranyo cya 12,2% %, mu mibare wavuye kuri miliyari 2,001Frw mu gihembwe B 2018, ugera kuri miliyari 2,255Frw mu gihembwe B 2019.

Dr Uzziel Ndagijimana Minisitiri w’Imari n’Igenamigambi (Archives)

Murangwa Yussuf Umuyobozi Mukuru wa NISR yavuze ko Umusaruro w’ubuhinzi wazamutse ku kigero cya 5% mu gihembwe cya kabiri cya 2019, uw’inganda uzamuka ku kigereranyo cya 21%, naho uwa serivisi uzamuka kuri 12%.

Yavuze ko mu buhinzi umusaruro w’ibihingwa ngandurarugo wiyongereye ku rugero rwa 4%, umusaruro w’ibihingwa ngengabukungu wiyongeraho 6%.

Iri zamuka ahanini ngo ryatewe n’umusaruro w’ikawa wiyongereyeho 21%, umusaruro w’icyayi wo wagabanutseho 3%.

Umuyobozi Mukuru wa NISR yasobanuye ko mu nganda umusaruro wazamutseho 21% bitewe n’imirimo y’ubwubatsi yazamutseho 32%, bikazamura umusaruro w’ubucukuzi bw’imicanga n’amabuye y’ubwubatsi ku rugero rwa 36%.

Iyi raporo yerekana ko umusaruro w’inganda zitunganya ibintu bitandukanye wazamutseho 16% hagati ya Mata na Kamena 2019.

Umusaruro w’inganda zitunganya ibyuma by’ubwubatsi wazamutse ku rugero rwa 43%, uw’izitunganya ibindi bitari ibyuma higanjemo sima uzamuka ku rugero rwa 42%.  Umusaruro w’inganda zikora ubutabire na plasitike wazamutse ku rugero rwa 32% uzamuwe ahanini no gukora amarangi ndetse n’amasabune.

Ikigo cy’igihugu cy’Ibarurishamari gitangaza ko umusaruro w’inganda zitunganya ibiribwa wazamutse ku rugero rwa 8% naho uw’inganda zikora ibinyobwa uzamuka ku rugero rwa 6%.

Umusaruro wa serivisi z’ubwikorezi wazamutseho 17%, uwa serivisi z’ibigo by’imari n’ubwishingizi uzamukaho 13% naho umusaruro wa serivisi zo gucumbikira no kugaburira abantu uzamukaho 13%.

Minisitiri w’Imari n’Igenamigambi, Dr Uzziel Ndagijimana yavuze ko bishimiye iri zamuka ry’ubukungu rirenze ibyo bari bateganyije, ariko avuga ko ari ngombwa kureba uko ibindi bihembwe bizagenda kugira ngo hamenyekane igipimo ubukungu bw’u Rwanda buzazamukaho muri uyu mwaka.

Yagize ati “Umusaruro mbumbe wazamutseho 12.2%, bikaba birenze ibyo twari twateganyije ariko ntabwo tugiye guhindura igipimo giteganyijwe k’izamuka ry’ubukungu kuko turacyafite ibihembwe bibiri byo kubanza kureba uko bigenda, ariko iyo urenze intego biba ari byiza.”

Umusaruro mbumbe w’igihugu (GDP) w’igihembe cya mbere cya 2019 wiyongereye ku rugero rwa 8,4% ugererenyije n’igihembe cya mbere 2018 aho mu mibare, Umusaruro mbumbe w’igihugu mu gihembwe A 2018 wari miliyari 1987Frw ugera kuri miliyari 2144Frw mu gihembe cya mbere cya 2019.

Josiane UWANYIRIGIRA
UMUSEKE.RW

10 Ibitekerezo

  • Ibiciro ku masoko nabyo bigaragaza uko kuzamuka k’umusaruro?

    • Ibigo mpuzamahanga iyo bivuze ko “mutekinika”,ntimugasakuze.Rwanda ni agahugu gakennye cyane kandi gasabiriza.Gucukura UMUCANGA wo kubaka nkuko muvuga,sibyo byatuma tugira GDP yiyongeraho 12%.Ntimukihe amenyo y’abasetsi.It is very shameful.Biteye isoni.

      • Niba baba babona ko turi injiji zitabona reality yo kuri field nanjye ndabyibaza. Ibintu birahenze hose , crise imeze nabi ariko ngo GDP yazamutseho 12%?! What a shame ….

  • Ntimukabeshye abantu.Abenshi natwe twize Economics.Niba u Rwanda ruzamurwa no “gucukura umucanga”,byaba birababaje.Ahandi iyo bavuze INGANDA,wumva izihindura “Raw Materials” mo Finished Products.Hatabayeho Gutekinika,ndahamya ko Economy yacu itagira kiriya gipimo cya 12%.

  • Tunasonga mbere au tunasonga ugali?

    • Njye nyamara ndahamya ko iyi mibare ari hari aho ituruka hajya gusa n’ukuri:

      Niba se abantu bajyana amatungo mw’isoko agasoreshwa banyirayo bataranayagurisha akenshi bakaza ko kuyatahana atagurishijwe, niba umubyeyi acibwa amande y’ibihumbi 2 kumpamvu z’uko umwana we yasibye ishuri, niba utazi gusoma no kwandika acibwa 2000 kandi akinjira mw’isanduku ya Leta, niba se bateje cyamunara imitungo yawe baguhimbiye ko hari imisoro ya Leta utishyuye, niba bamwe mu bakozi b Leta bajya guhembwa bagasanga imishahara yabo ntayiriho cg yarashinzwemo imiheha isogongera ngo hari imisanzu wishyura, niba abarimu bamwe bashobora kumara amezi 2 batarahembwa kdi ntaho imibare ibigaragariza, urumva iyo mibare ya GDP izabura kuzamuka ite?! Ejo nibivumburwa bakabivuga nk’uko mbivuze uzasanga bamwe barahira ngo Haki ya Mungu ntidutekinika imibare! Turaziranye erega!

  • Murashaka ahari kwisekereza abantu!!! None se umuntu wize amashuri abanza yonyine yakwemera ibyo bintu. Ntushobora kugira ubukungu bwiyongera maze ngo ugire n’ibiciro byo ku isoko byiyongera! Ariko bizagenda byigaragaza uko iminsi igenda

  • Wambwira impamvu ifaranga rita agaciro buri munsi? Ibiciro by ibiribwa bikiyongera? Abanyarwanda bakaba bagishonje ku buryo bukabije? Ntawe utazi ko mutekinika ibintu byose. Nt
    awahora abeshya. Icyo kiranyagisha

  • Kuki GDP yiyongera kuva imyaka irenga 10 ariko abanyarwanda bakarushaho kwicwa ninzara no kurwara amavunja? Nizereko tutazamera nka Argentina umunsi umwe.

  • Hhhhhhhh!Hum..ibi bintu Ni Gitangaza peee!bishobok ko Abakozi ba NISR Bareba amafranga bahembwa,bakareba amazu batuyemo,amamodoka bagendamo,amashuri abana babo bigamo bakumva nabandi aruko byifashe!ubundi bareb uko babayeho bakumva ko mu gihugu hose ariko bamerewe! surely guys ntimubarenganye!kko iyo umuntu yariy ntamenya ko hari’abashonje!Nta wuyobewe ukuri..ngo 12%???aaah

Subiza

Your email address will not be published. Required fields are marked *