• 24/01/2020 3:14 37

Turikiya: Igihugu cya mbere gifunze abanyamakuru benshi ku isi

Ku nshuro ya gatatu yikurikiranya, Turikiya yongeye kuba iya mbere mu bihugu bifunze abanyamakuru benshi muri uyu mwaka.

Ubu ngo hafunzwe abanyamakuru 251 ku isi. Muri bo 68 bafungiwe muri Turikiya

Abanyamakuru bose bafunzwe ku isi bamaze gukatirwa n’inkiko ni 251. 

Muri abo 68 bafungiye muri Turikiya, abandi 47 mu Bushinwa, abandi 25 bafungiye muri Misiri.

Committee to Protect Journalists yakoze iyi raporo yerekana uko gufunga abanyamakuru bihagaze ku isi, ivuga ko Turikiya ibaye iya mbere mu kubafunga ku nshuro ya gatatu yikurikiranya.

Ibi ngo biterwa n’uko Perezida Erdogan adashaka ko hari abantu bajora bimwe mu bikorwa na Leta ayoboye.

Tayyip Erdogan ariko aherutse kwamagana iyicwa ry’umunyamakuruwa Jamal Kashoggi wiciwe muri Ambasade ya ArabieSaoudite iri Istanbul.

Ibi hari ababifashe nko kwiyerurutsa. Courtney Radsch ushinzwe kuvugira kiriya kigo yagize ati:“ Birababaje kuba Turikiya ivuga ko itangazamakuru rifitanye isano n’iterabwoba.”

Ikibabaje ngo ni uko mu banyamakuru bafungiwe muri Turikiya harimo abagore bane(4) bafunzwe bari gukurikirana inkuru zivuga kuburenganzira bwa bagenzi babo.

Committee to Protect Journalists yasanze imvugo ya Perezida wa USA Donald Trump yise Fake News yaratumye hari ibihugu n’inzego zimwe na zimwe bitangira kwibasira abanyamakuru  ko bakora impuha bakazita inkuru.

Muri 2017, umwaka umwe Trump atowe, ngo hari abanyamakuru 21 ku isi bafunzwe bashinjwa gutangaza ‘Fake news’. Muri 2018 babaye 28.

Ikibazo ngo ni uko abafite ubutegetsi bitwaza iriya mvugo bagashinja abanyamakuru guha abaturage ibihuha bigamije guteza imidugararo mu gihugu.

Umuhanga witwa Steven Cook yabwiye ABC News ko abanyapolitiki bamwe badashaka kumva akamaro k’itangazamakuru mu mibereho y’igihugu n’abagituye.

Ngo bahisemo gutekereza nka Trump ku byerekeye icyo itangazamakuru rigomba guha abaturage aho kureka ngo abe ariryo rikigena kuko ritandukanye na politiki.

Imvugo ya Trump  ya “Fake News” yagize ingaruka ku bitangazamakuru by’umwuga

UM– USEKE.RW

Subiza

Your email address will not be published. Required fields are marked *