• 29/01/2020 4:59 07

Turihanganisha abaturage ba Mali ku bw’igitero cyagabwe ku ngabo zabo- Amb Nduhungirehe

Umunyamabanga wa Leta muri Minisiteri y’ububanyi n’amahanga y’u Rwanda akaba n’umuvugizi wa Guverinoma Amb Olivier Nduhungirehe yanditse kuri Twitter ko Leta y’u Rwanda yifatanyije n’abaturaga ba Mali nyuma y’urupfu rw’abasirikare 53 n’umusivili umwe bishwe n’abakora iterabwoba kuri uyu wa Gatandatu.

Amb Nduhungirehe yabwiye Umuseke ko ibyo gufasha mu kugarura amahoro muri Mali ari ingingo itavugwaho aka kanya. Ngo nibiba ngombwa bazaganirwa hamwe na Mali. Photo@Bwiza.com

Amb    Nduhungirehe avuga ko Abanyarwanda bifatanyije n’abavandimwe babo bo muri Mali mu kababaro bafite.

Abajijwe niba u Rwanda ruramutse rusabye kugira uruhare mu kugarura amahoro muri Mali nk’igihugu kigize Umuryango w’Africa yunze ubumwe, Amb Olivier Nduhungirehe yavuze ko ibyo ari ibintu byazaganirwaho igihe kigeze ariko ko ubu icyakozwe ari ugufata mu mugongo abavandimwe b’Abanyafrica.

Urwanda rwihanganishije Mali iherutse gutakaza ingabo zirenga 50 mu gitero zagabweho n’umutwe w’iterabwoba

Igitero cyabaye kuri uyu wa Gatandatu kigambye n’umutwe wa Al Queda ukorera mu gace ka Sahel.

Abakurikiranira hafi ibibera muri kariya gace basanga ingabo z’u Bufaransa zihamaze igihe zitarashoboye guca intege abarwanyi bahakorera.

Ngo n’ubwo zifite imbaraga mu bikoresho bya gisirikare n’ubutasi, abarwanyi bo muri Sahel bazirusha kumenya uko ikibuga giteye n’imico y’abatuye Sahel.

Ikindi kandi ni uko ubuso bwa Mali buruta ubw’u Bufaransa inshuro ebyiri.

Ingabo z’u Bufaransa zageze muri Mali taliki ya 01, Kanama, 2014 mucyo zise Operation Barkhane ariko ntizirahashya imitwe y’iterabwoba ihari

Jean Pierre NIZEYIMANA

UMUSEKE.RW

7 Ibitekerezo

  • Pole sana Mali

    • Ibyihebe by’Abaslamu birimo guteza isi ikibazo gikomeye kandi bakavuga ko bakorera imana yabo,Allah.Imitwe y’Abaslamu irwana cyangwa yica abantu ni myinshi cyane ku isi.Hari Al Shabab,Al Aqmi,ISIS,Al Qaeda,Hezbollah,Boko Haram,Taliban,etc…Yose ivuga ko “irwanira Imana”.Ngo ni Intambara ntagatifu (JIHAD).Nyamara Imana itubuza kurwana no kwica,ikavuga ko yanga abantu bose barwana nkuko Zaburi 5,umurongo wa 6 havuga.Kandi ko abantu bose bicana cyangwa barwana izabarimbura ku munsi wa nyuma nkuko Matayo 26,umurongo wa 52 havuga.Hazarokoka abantu bumvira Imana gusa.Ariko si Abaslamu gusa barwana.Kuva na kera,amadini menshi ashoza intambara,avuga ko akorera Imana.Muribuka za Crusades z’Abakristu barwana n’Abaslamu zahitanye abantu benshi.

  • Arikose mubyukuri Minisitiri Sezibera yagiyehe?ababizi mumbwire pe

  • RDF igomba kujya gutabara.Niba Loni iri kujijinganya turakora mu gaciro found ariko dutabare.

  • ese nta makru ya Richard sezibera?;cg njye kwisabira uriya mwanya?;

  • @Sugira na @Ange Richard Sezibera ararwaye muri ino minsi nkuko nawe warwara arwariye mubitaro bya Nairobi gusa ubuzima bwe buri kumera neza muminsi mike muzamubona yagarutse muri Minaffet muminsi ishize yigeze kwijajara anakoresha twitter ye ubwo hari haje ibihuha bivuga ko yapfuye gusa mukomeze muumusengere azahivane ari mutaraga kuko yari umugabo w’umuhanga peeeh.

    • @Munyagishari,urakoze kutumenera ibanga.Abirabura dukunda guhisha ko turwaye.Gusa nk’abakristu,tuge tumenya yuko mu isi nshya dutegereje ivugwa muli 2 Peter 3:13,nta muntu uzongera kurwara cyangwa gupfa nkuko Ibyahishuwe 21:4 havuga.Gusa iyo si izaba paradizo izaturwa gusa n’abantu bumvira Imana,kubera ko abakora ibyo itubuza Imana izabarimbura bose ku munsi w’imperuka.Byisomere muli Imigani 2:21,22.Abandi batazabamo ni abibera mu gushaka ibyisi gusa,ntibabifatanye no gushaka Imana.Abo nibo nyamwinshi bazabura ubuzima bw’iteka nkuko 1 Yohana 2:15-17 havuga.Ni nacyo ahanini abantu bo ku gihe cya Nowa bazize.Harokotse abantu 8 gusa muli millions zari zituye isi.

Subiza

Your email address will not be published. Required fields are marked *