• 12/12/2019 7:21 37

Trump yemeje ko azahura na Kim Jong muri uku kwezi

Mu ijambo yaraye agejeje kuri Sena n’Abadepite, Perezida Donald Trump yavuze ko ubukungu bwa America bwiyongereye cyane ndetse ko n’utuzi twahanzwe mu mezi make ari inshuro ebyiri y’utwari twitezwe. Ku biganiro na Korea ya Ruguru yavuze ko azahura na Kim Jong-un muri Vietnam.

Donald Trump yahuye na Kim Jong-un mu nama y’amateka yabaye muri Kamena 2018 mu gihugu cya Singapore

Ijambo rye ryamaze iminota 82 Trump avuga ku ngingo zinyuranye, zirimo uruhare rw’abagore mu iterambere no mu miyoborere n’ubukungu bw’igihugu muri rusange.

Iri jambo yaraye arivuze mu gicuku cyo ku wa kabiri, akanyuzamo agatebya abagize Congress bakamukomera amashyi baririmba “Usa, Usa, Usa.

Yavuze ko ateganya guhura na Perezida wa Korea ya Ruguru Kim Jong-un mu nama ya kabiri ikurikira iyo bagiranye muri Kamena 2018 ibera muri Singapore ubu noneho ngo bazahurira muri Vietnam tariki 27-28 Gashyantare 2019.

Ati “Haracyari akazi kenshi.” yongeraho ati “Ariko umubano wanjye na Kim Jong-un ni mwiza.”

Korea ya Ruguru ntiyongeye kugerageza intwaro z’ubumara kuva habaho ibiganiro hagati ya Trump na Kim ariko iki gihugu ntikiremera gusenya intwaro kirimbuzi cyagezeho n’inganda kizicuriramo.

Ijambo rya Trump ryibandaga ku nsanganyamatsiko igira iti “Choosing Greatness” (mu Kinyarwanda, “guhitamo ubuhanganjye”).

Perezida Donald Trump yasabye abanyepolitiki kunga ubumwe, ariko avuga ko amaperereza abogamye ashobora kwangiza iterambere rya America.

Ijambo rye yarivuze nyuma y’igihe gito asinye ku ngengo y’imari ya Leta itarimo amafaranga yo kubaka urukuta ku rubibi rwa America na Mexique agafungura imirimo imwe n’imwe ya Leta yari imaze igihe ihagaze, ariko yavuze ko agikomeye kuri urwo rukuta ku buryo igihe azaba atumvikanye n’Abademokarate kuri iriya ngengo y’imari mu nama izabahuza mu cyumweru gitaha, n’ubundi ‘Shutdown’ ishobora kuzongera ikaba.

UM– USEKE.RW

2 Ibitekerezo

  • Nubwo ikibazo cya USA na North Korea cyakemuka,ntibivuga ko isi yaba igize amahoro.Kubera ko hari ibindi bibazo byinshi bishobora guteza intambara ya 3 y’isi nkuko analysts benshi babihamya.Dore ahandi hantu hashobora guteza intambara ya 3 y’isi: Syria,Ukraine,Baltic states,South China Sea na Taiwan u Bushinwa bushaka gufata ku ngufu.Nkuko abo bahanga bavuga,mu intambara ya 3 y’isi noneho ibihugu byakoresha atomic bombs isi igashira.Ariko nk’abakristu,tujye tumenya yuko Imana itakwemera ko abantu batwika isi yiremeye.Nkuko bible ivuga muli zaburi 46:9,Imana izatwika intwaro zo mu isi,ikureho intambara zose.Ndetse ikure mu isi abantu bose bakora ibyo itubuza.Ibyo bizaba ku munsi w’imperuka Bible yita Armageddon.Uwo munsi ushobora kuba utari kure.

  • “Uwo munsi ushobora kuba utari kure”??? Shaka uko wiyahura atomic bombs zitaraza rero!!! Kuki muhorana imperuka mu kanwa, mukora ibifite umumaro ryari?

Subiza

Your email address will not be published. Required fields are marked *