• 24/01/2020 1:29 02

Trump yategetse ko uruzitiro hagati ya US na Mexique rushyirwaho uruzi rurimo ingona

Igitabo cyasohotse kuri uyu wa Gatatu cyanditswe n’abanyamakuru babiri ba The New York Times bashingiye ku buhamya bahawe n’abakozi bakuru mu biro bya Perezida Doland Trump, banditse ko yategetse ko imbere y’uruzitiro rwa USA na Mexique hashyirwa uruzi rurimo ingona n’inzoka.

Trump ngo yategetse ko hubakwa uruzi rurimo ingona hari y’umupaka kandi ugerageje kurwegera akaraswa amaguru

Abanyamakuru ba The New York Times bavuga ko amakuru bahawe n’abakozi bashinzwe kubaka ruriya ruzitiro yemeza ko Perezida Donald Trump yageze n’ubwo ategeka ingabo ze kuzajya zirasa amaguru abimukira bashaka kurira urukuta ariko zimubwira ko byaba bidakurikije amategeko.

Imirimo yo kubaka urukuta rugabanya Mexique na USA yaratangiye kandi ngo ruzuzura rutwaye byibura miliyari 3.6 $.

Perezida Trump avugwaho gutanga amabwiriza y’uko senyenge zigize ruriya rukuta zigomba kuba zirimo amashanyarazi kandi hasi aho urukuta rugabanira na Mexique hakazakorwa umugezi muremure urimo ingona n’inzoka z’ubumara.

Ubwo yiyamamazaga kuzayobora USA Donald Trump yasezeranyije abaturage ko nibamutora azahagarika abimukira binjira mu gihugu ke mu buryo budakurikije amategeko.

Igitabo cyanditswe na bariya banyamakuru ba The New York Times kiswe ‘Border Wars: Inside Trump’s Assault on Immigration.’

Ubuhamya bukirimo bwatanzwe n’abayobozi bagera kuri 12. Bumwe muri bwo bwemeza ko Trump yatanze itegeko ko nibiba ngombwa abimukira bazajya baraswa amaguru bashatse kwinjira muri USA.

Iki gitekerezo ariko abo yagihaye baracyanze bavuga ko byaba bidakurikije amategeko mpuzamahanga arengera ikiremwamuntu.

Ruriya rukuta kandi ngo rugomba kuba rufite senyenge zityaye ku buryo zikomeretsa uwo ari we wese uzuriye.

Kuba ibyemezo bya Trump byari bikomeye hari bamwe mu bajyanama be banze kubyemera ndetse bamwe arabirukana.

Bamwe muri bo ni Kirstjen Nielsen wari ushinzwe ubujyanama ku byerekeye umutekano w’imbere mu gihugu.

Ubuhamya buri muri iki gitabo ngo bwatanzwe n’abajyanama ba Trump

BBC

Jean Pierre NIZEYIMANA
UMUSEKE.RW

8 Ibitekerezo

  • Ariko murabona ukuntu biba bibi gushyira umuntu mu mwanya adafite ubunararibonye? Aemeze nka KAMEGERI n’urutare rwa Kamegeri. Buriya ndi Mexique nanjye nashyira uruzitiro mu Kirere cyanjye n’amazi yanjye maze nkareba aho USA n’abantu bayo banyura!!!!!!!!!!!!!!!!!!!!!!!!!!!!!!!!>

    • Uyu TRUMP yibeshya ko United States of America iruta ibindi bihugu.Mu magambo make,TRUMP is a racist person.Kera ISI yari igihugu kimwe kandi isi yose yavugaga ururimi rumwe nkuko Intangiriro 11:1 havuga.Ibihugu byazanywe n’intambara.Nyamara Imana yaturemye itubuza kurwana,ikadusaba gukundana.Mu isi nshya dusoma ahantu henshi muli bible,ISI izongera ibe igihugu kimwe,gituwe n’abantu bumvira Imana gusa,kubera ko abakora ibyo Imana itubuza bose,urugero TRUMP,Imana izabakura mu isi.Niba dushaka kuzaba muli iyo Paradizo,Yesu yadusabye “gushaka mbere na mbere ubwami bw’Imana”,aho gushaka ibyisi gusa,ntitwite kubyo gushaka Imana.Nkuko yavuze muli Matayo 16,umurongo wa 26,ubukire cyangwa ibyubahiro ntabwo bitubuza gupfa.Ariko nkuko yabivuze,abantu bashaka Imana azabazura ku munsi wa nyuma,abahe ubuzima bw’iteka.

  • Trump icyo bene wabo bamwangira nuko ashyira hanze uko abazungu bateye.abazungu barikunda kandi bumva ko ari bo bari hejuru yubundi bwoko butuye isi.ubwo abirukira yo nababwira ngo muzahahe muronke

    • @ KARAHA we uratubeshye kabisa.Uravuze ngo “abazungu barikunda kandi bumva ko ari bo bari hejuru yubundi bwoko butuye isi”.Ntabwo ari Abazungu gusa bumva ko basumba abandi bantu.Muli 1994,Abahutu nyamwinshi bumvaga ko basumba ubwoko bw’Abatutsi.Niyo mpamvu babishe.Menya ko mu isi hose habamo abantu babi n’abeza.Abafite agaciro mu maso y’Imana,ni abakora ibyo idusaba gusa.Abo nibo bazabona ubuzima bw’iteka muli paradizo.Ni nabo izazura ku munsi wa nyuma.

      • @Hitimana! Muri 1994, abahutu bashubije ubwenge ku gihe babonye bagiye gushira. Ubwicanyi bwatangiye kuya 1 Ukwakira 1990 bukibasira abahutu bwari bugeze ku ndunduro ubwo abategetsi babo bicywaga kuya 6 y’ukwa 4 muri 1994. Gusa kwica cyanga kugirira undi nabi nta cyiza kirimo. Umubi si umuzungu cyanga umwirabura, ababi baba mu bwoko bwose kimwe n’abeza.

  • @HITIMANA usubije neza cyane! ikibazo si abazungu n’abantu bamwe bashaka kuyobora abandi aho bari hose!!

  • Ariko uyu muntu waje hano witwa Hitimana icyambwira igihe yavukiye n’icyo akora!!!! Kagame wakuye amoko mu ndangamuntu yarakoze. Cyakora amateka n’iminsi biduhishiye byinshi. Hitimana na Joselyne murakamenya ukuri

  • Ikibazo si abazungu! Ahubwo ni abantu babi muri kamere bacengeza amatwara yabo mu bandi bitwaje ubuhangange n’inyungu babifitemo, abandi nabo bakabiha umugisha! None c Mexique ituwe nabirabura?

Subiza

Your email address will not be published. Required fields are marked *