• 12/12/2019 2:11 35

Tonny wasohoye indirimbo yise Gwamo, ngo umutima we hari uwawuguyemo

Tonny Unique wari umaze umwaka adakora umuziki yasohoye amashusho y’indirimbo ye nshya yise ‘Gwamo’ avuga ku musore basigaye bakundana utuye ku mugabane w’Iburayi.

Umusore ukundana na Tonny yibera iburayi

Mbere yo gufata akaruhuko mu muziki yari atangiye kumenyekana mu ndirimbo nka ‘Mpamagaye’, ‘Nzajyahe’ n’indi yitwa ‘Vuba’ yakoranye na TBB.

Uyu mukobwa wagarutse mu muziki nyuma y’umwaka adakora yasohoye amashusho y’indirimbo ye avuga ko yari akumbuye gukora Video biba akarusho ko yanakorewe n’umuntu basanzwe baziranye.

Aganira na Umuseke, Tonny yahishuye ko afite umusore basigaye bakundana uba ku mugabane w’Uburayi.

Ati “Ubu mu rukundo meze neza cyane ndi kumwe n’umusore unkunda akabinyereka kandi ni inshuti yanjye kuva kera.”

Umusore bakundana yitwa Philbert aba mu Budage ku mugabane w’Iburayi ngo bamaranye igihe kinini ari inshuti ariko mu rukundo ho bamaranye umwaka umwe.

Uyu mukobwa wagarutse mu muziki avuga ko ubu ikibuga cy’umuziki kimeze neza kandi cyateye imbere.

Ati “Gukora cyane ni cyo gisabwa kuri njye, ibindi byo ni ibisanzwe nk’umuntu wahoze aririmba.”

Tonny Unique ngo yagarukanye imbaraga zo gukora cyane

Bonaventure KUBWIMANA
UMUSEKE.RW

Subiza

Your email address will not be published. Required fields are marked *