• 08/12/2019 11:15 14

The Mane yafashije Harmonize gutungura Burna Boy i Kigali

Umuhanzi ukomeye muri Tanzania Harmonize yifashishije inzu ifasha abahanzi ya The Mane gutungura mugenzi we ‘Burna Boy’ wo muri Nigeria wari waje gutaramira mu Rwanda.

Uyu muhanzi wo muri Nigeria ni ubwa mbere yari aje gutaramira mu Rwanda
Uyu muhanzi wo muri Nigeria ni ubwa mbere yari aje gutaramira mu Rwanda

Mu ijoro ryo kuwa gatandatu habayeho igitaramo cya ‘Burna Boy Experience’ cyari cyatumiwemo uwo muhanzi wo muri Nigeria uri mu bagezweho muri iki gihe muri Africa.

Burna Boy yatangiye kuririmba saa tanu z’ijoro abari bitabiriye icyo gitaramo bagaragaje ibyishimo kubera indirimbo ze nka; ‘On the low’,’Ye’,’Gbona’,’Rock you Body’ n’ izindi.

Nyuma y’igitaramo haje gusakara andi mafoto y’umuhanzi Harmonize wa Tanzania arikumwe na Burna Boy ndetse n’abandi bahanzi bo muri The Mane barimo Safi Madiba, Queen Cha na manager wabo BadRama.

Umuyobozi wa The Mane uzwi nka Bad Rama aganira na Umuseke yavuzeko Harmonize nawe yari yaje mu Rwanda mu gitaramo cya Burna Boy ngo kuko yashakaga kumutungura.

Ngo mbere y’ uko igitaramo kiba Harmonize niwe wahamagaye Bad Rama amusaba ko yazabimufashamo akamugeza aho Burna Boy azaba ari agatungurwa no kumubona i Kigali.

Harmonizer na Burna Boy basanzwe bafitanye ibikorwa n’ubucuti, Bad Rama avuga ko aciye kuri nyina wa Burna Boy ari na we Manager we yabashije gufasha Harmonizer gutungura iyi nshuti ye.

Harmonize yageze mu Rwanda Bad Rama aba ariwe ujya kumufata ku kibuga cy’indege bahita bajyana kuri Marriot Hotel aho Burna Boy yari acumbitse.

Badrama niwe wakiriye Harmonize

Burna Boy ngo akibona Harmonize yaratunguwe cyane, nawe amubwira ko yifuje kuza i Kigali ngo arebe igitaramo cye.

Bajyanye mu gitaramo na nyuma yaho nabwo bagaruka kuri Hotel barasangira ari nako bagira inama abahanzi bo muri The Mane bababwira nabo inzira banyuzemo ngo bagere kure mu muziki.

Kuri Harmonize we ngo ni inshuti ya The Mane ngo iyo aje mu Rwanda nibo yiyambaza ngo ni nkuko nabo iyo bagiye gushaka serivisi muri Tanzania biyambaza Wasafi Records ifasha na Harmonize.

Igitaramo cya Burna Boya cyaritabiriwe cyane i Kigali
Harmonize, Safi, Burna Boy, Queen Cha na Badrama nibo basangiye na Burna Boy kuri uwo munsi

Bonaventure KUBWIMANA
UM– USEKE.RW

Subiza

Your email address will not be published. Required fields are marked *