• 15/12/2019 8:51 52

Tanzania U17 izakina n’u Rwanda yatsinze Cameroon mu mukino wa gicuti

Ni imikino ya gicuti irimo guhuza amakipe y’ingimbi zitarengeje imyaka 17 y’ibihugu bitatu; U Rwanda, Tanzania na Cameroon irimo gukinirwa mu Rwanda guhera tariki 28 Werurwe ikazasozwa tariki 4 Mata 2019.

U Rwanda rwatsinzwe na Cameroon 3-1

Umukino wa mbere ikipe y’igihugu y’u Rwanda yatsinzwe na Cameroon 3 -1.

Umukino wa kabiri wakinwe kuri uyu wa mbere ikipe y’igihugu ya Tanzania yatsinze 2-1 Cameroon.

Tanzania yafunguye amazamu ku munota wa kenda w’umukino ku gitego cya kapiteni wayo Abraham Maurice nyuma yo gucenga ba myugariro ba Cameroon.

Ikipe zombi zakomeje gusatirana cyane kuko ni umukino warimo ishyaka ryinshi ku mpande zombi.

Ku munota wa 52 w’umukino Cameroon yaje kwishyura igitego ibifashijwemo na Yannick Noah.

Igitego gihesha Tanzania gishimangira intsinzi cyabonetse ubwo umusifuzi yongeyeho iminota 3 gitsinzwe na Swakali Arafat ku mupira w’umuterekano yateye igana mu izamu.

Ni imikino yateguwe na FERWAFA ku bufatanye na BINEWA.

BINEWA Sports Management  ni kampani ikorera muri Cameroon ikora ibintu byo gushakira ikipe (clubs)  ndetse n’ikipe z’ibihugu imikino ya gicuti.

Ikipe y’igihugu ya Cameroon na Tanzania z’abatarengeje imyaka 17 ziritegura imikino y’igikombe cya Africa muri iki kiciro kizabera muri Tanzania guhera tariki  14 – 28 Mata 2019.

U Rwanda ruzakina na Tanzania ku wa kane tariki 4 Mata kuri stade ya Kigali saa 15:30.

Mu mikino yo gushaka itike y’igikombe cya Africa cy’abatarengeje imyaka 17 u Rwanda rwasezerewe na Tanzania muri 1/2.

Yvonne IRADUKUNDA
UM– USEKE.RW

Subiza

Your email address will not be published. Required fields are marked *