• 25/01/2020 8:27 28

StarTimes yijeje gukoresha Ikoranabuhanga rigezweho mu kuzamura ubuhinzi muri Africa

Abantu basaga 2 300 bitabiriye Inama y’Ihuriro Nyafurika ku Iterambere ry’Ubuhinzi i muri Afurika  yabereye i Accra muri Ghana. Iyi nama yari ibaye ku nshuro ya 10, yabaye kuva tariki ya 03 kugeza ku wa 06 Nzeri.

Ihuriro Nyafurika ku iterambere ry’ubuhinzi ni ryo huriro rya mbere rihuriza hamwe abafatanyabikorwa mu buhinzi bakaganira ku ishoramari  n’amahame yo kugera ku ku iterambere ry’ubuhinzi ku mugabane.

Inama ifite insanganyamatsiko igira iti “dukoreshe ibyo dufite twongera umusaruro hagabanywa ikibazo cy’umusaruro w’ibiribwa muri Afurika.”

Iyi nama yitabiriwe n’abakuru b’ibihugu batandukanye muri Afurika barimo  perezida wa Ghana, E. Nana Addo Akufo-Addo, perezida wa Togo, Faure Essozimna Gnassaingbe, perezida wa Niger, Mahamadou Issoufou, Perezida wa Cote d’Ivoire, Yemi Osinbajo, na visi perezida wa Nigeria,

Inama kandi yanitabiriwe na Ministiri w’intebe w’u Rwanda, Dr Edouard Ngirente, aho yasangije abitabiriye iyi nama ku iterambere ry’ubuhinzi mu Rwanda aho hifashiswa ikoranabuhanga hagendewe ku ntego z’amasezerano agamije guteza imbere ubuhinzi muri Afurika yiswe ‘Malabo Declaration’ Yemejwe n’abakuru b’ibihugu bigize Umuryango wa Afurika Yunze Ubumwe bahuriye i Malabo muri Guinée Equatoriale.

Bimwe mu byo biyemeje harimo kuba nta nzara y’ibiribwa izaba ikirangwa ku mugabane muri 2025, guhangana n’ubukene binyuze mu guteza imbere ubuhinzi, kongera ishoramari mu buhinzi, gufata neza umusaruro wangirika n’ibindi.

Ihuriro Nyafurika ku iterambere ry’ubuhinzi rihuriza hamwe abayobozi  n’abafatanyabikorwa benshi bagahurizwa hamwe. Muri Afurika abahinzi bato na barwiyemezamirimo basaga miliyoni bashoye imari mu buhinzi, aba batanga umusaruro ungana  na 80% y’ibiribwa ndetse n’ibicurunzwa hirya no hino muri Afurika ibi bigatanga imirimo isaga miliyoni ndetse bikanazamura ubukungu.

Umuyobozi wungirije  mu gashami k’ikwirakwizamakuru muri StartTimes akaba n’umuyobozi mukuru wa NTV-STAR TV Network Ltd mu biganiro byahuje abari bitabiriye inama, yavuze ko urubuga rw’isakazamakuru ku ihuriro ry’ubuhinzi muri Afurika, StartTimes yabasabye kubafasha mu iterambere ry’ubuhinzi ikoresheje isakazamakuru.

Ikoranabuhanga ni bwo buryo bwonyine bwakwifashishwa mu gusangira ubumenyi, hanazirikanwa ikibazo k’ibikorwa remezo bidahagije ikoranabuha rikazaba rije kubikemura.

Perezida w’ubushinwa, Xi Jinping yatangaje ko hagiye gukorwa  ibyogajuru bikorana na gahunda za television ku buryo zizajya zigera ku batuye Africa basaga ibihumbi 10. Ibi yabivuze ubwo yafunguraga ku mugaragaro ihuriro ry’ubufatanye bw’ubushinwa na Afurika  ryabereye muri Johannesburg muri 2015.

Umushinga wo kubaka umunara wa TV uzagera ku banyafurika basaga ibihumbi 10 ni imwe muri gahunda zisaga 10 zizakomeza umubano wa Afurika n’ubushinwa, umunara wubatswe na StarTimes, uzafasha abatuye mu bice by’icyaro kumenya amakuru yo hirya no hino ku Isi .

Uyu mushinga biteganyijwe ko uzarangira mu mpereza z’uyu mwaka wa 2019 abantu 10 112 bakazaba bagerwaho n’umunara wa Television.

Zhang Junqin yagize ati “Ikigo cya StarTimes kigaragaza ubushobozi bwo kugeza ikoranabuhanga mu bice by’icyaro.”

Uyu mwarimukazi Zhanga mu ijambo rye yagaragaje uburyo bw’ikwirakwiza , ati “Ni StarTimes ifite uruhare rwo kwigisha abaturage no guhindura imyumvire y’abatuye Afurika, ni yo mpamvu StarTimes igomba gukwirakwiza ibiganiro by’ubuhinzi  birimo na za video  za Bill & Melinda Gates Foundation (BMGF) ndetse na Alliance for a Green Revolution in Africa (AGRA) n’ibindi byose byijyanye n’ubuhinzi.”

Ayo mashusho azatangazwa muri buri gihugu ndetse bitangazwe mu rurimu rw’abanyagihugu bumva kugira ngo bifasha abatuye mu bice by’icyaro basaga ibihumbi 10 bazagerwaho na television zikoresha umunara wa StarTmes  muri uyu mushinga

StarTimes

StarTimes  ni imwe muri Kompanyi ziyoboye iby’ikoranabuhanga mu isakazamuashusho muri  Africa, ikaba itanga serivisi ku bantu basaga miliyoni 28 ku mugabane bagezwaho ibikorwa bya StarTimes n’abayihagarariye basaga 170 n’abacuruzi basaga ibihumbi 30 mu bihugu 37. StarTimes ifite ibiganiro bitandukanye bitambuka ku mashene 480 arimo atangaza ibiganiro birimo iby’amakuru, filimi z’uruhererekane, Sports, imyidagaduro, n’ibiganiro by’abana. Intego ya startimes ni uko buri muryango muri Afurika uzabasha kugerwaho n’isakazamashusho rigezweho andi udahenzwe.

**********

Subiza

Your email address will not be published. Required fields are marked *