• 08/12/2019 12:00 05

Songambere avuga ko abafana ba APR FC batazongera kuvugiriza induru umutoza wayo

Munyarubuga Francois uzwi nka Songambere, ushinzwe ubukangurambaga muri APR FC ahamya ko  batazongera kuvugiriza induru umutoza wayo kuko bidasanzwe mu ndangagaciro zabo. Yabitangarije Umuseke mu kiganiro bagiranye.

Munyarubuga Francois uzwi nka Songambere, ushinzwe ubukangurambaga muri  APR FC

APR FC watangiye kuyifana ryari ?

Songambere: APR FC nyimazemo imyaka 26, natangiranye na yo mu ishyamba kuko nari umusirikare kuva 1993 ishingwa.

APR FC itandukaniye he n’igisirikare?

Songambere: APR FC nta hantu wayitandukanyiriza n’igisirikare. Yego igisirikare kirahari ariko na APR FC ni ikipe ya gisirikare.

Waba wibuka ibihe byiza APR FC yagize?

Songambere: Igihe cyose yatwara ibikombe byari ibihe byiza kuri APR FC ndetse no ku bafana bayo. Urabizi ko ariyo kipe ifite ibikombe byinshi hano mu Rwanda bigera kuri 18 byose bya nyuma ya Jenoside yakorewe Abatutsi.

Abatoza baciye muri APR FC mutajya mu ibagirwa nk’abafana n’abahe?

Songambere: Abatoza tutajya twibagirwa ni nyakwigengera Jean Marie Ntagwabira n’Umuhorandi René Feller.

APR FC imaze iminsi isohokera u Rwanda ntirenge umutaru nk’abafana bayo mubyakira mute?

Songambere: Tubifata nk’ibintu bisanzwe ariko biterwa n’uko tuba twatomboye. Akenshi APR FC ikunda gutombora amakipe yo mubarabu

Ibihe byiza bya APR FC ni ibihe?

Songambere: Igihe APR FC yakinagamo Karekezi Olivier, Jimmy Mulisa na Nshimiyimana Eric.

Imbaraga za APR FC zituraka hehe ?

Songambere: Zituruka mu bayobozi bayo n’abafana bayo.

APR FC ifite Fan Club zingahe?

Songambere: APR FC ifite Fan Club 28

Muri Shampiona ishize imikino APR FC yatsinze igashimisha abafana bayo ni iyihe?

Songambere: Imikino APR FC yatsinze yose ibanza yaradushimishije kuko yasoje ibanza iri ku mwanya wa mbere kandi twatsinze amakipe yose akomeye.

Ni iyihe yababaje abafana?

Songambere: Eeeehh! Ubundi burya gutsindwa kose biraryana ariko umukino APR FC yakinnye na Rayon Sports tugatsindwa 1-0 mu minota y’inyongera, uriya mukino wababaje abafana ba APR FC cyane.

Kuba abafana baherutse kuvuguriza induru umutoza wayo mukuru bamubwira ko batamushaka bisobanuye iki?

Songambere: Ubundi abafana ba APR FC bagira indangagaciro zibaranga twarabegereye batubwira ko babitewe no gutsindwa ariko twarabegereye tubabwira ko umuti atari ukuvugiriza induru umutoza kandi ntabwo bizongera.

Abakinnyi batatu ukunda bakina inyuma ni bande bo mu Rwanda?

Songambere: Ni Prince,  Rwatubyaye  Abdul na Bayisenge Emery.

Amakipe ukunda yo hanze ni ayahe?

Songambere: Nkunda Brazil na Manchester United.

Mubwirwa n’iki abafana banyu

Songambere: Abafana ba APR FC  tubamenyera ku makarita bagura. Hari ikarita igura ibihumbi 150.000frw ukareba imikino yose APR FC yakiriye ariko hari n’ikarita igura ibihumbi 50.000frw na 25.000frw. Iya nyuma igura 10.000frw;  aho ni ho tumenyera abafana ba APR FC nyakuri.

APR FC Mwifuza mu myaka 25 ni imeze ite?

Songambere: Turifuza APR FC itwara ibikombe ikageza n’aho yatwara igikombe cy’Afurika

Mwakoze kwitabira ubutumire bwacu.

Songambere: Mwakoze namwe.

Munyarubuga Francois uzwi nka Songambere,avuga ko abafana batozongera kuvugiriza induru umutoza

Jean Paul NKUNDINEZA

UMUSEKE.RW

 

4 Ibitekerezo

  • URAVUGA AMATEKA YA APR FC UTAZI AHUBWO. BARAKUBAZA ABAKINNYI BEZA BACIYE MURI UKIBSGIRWA GATETE JIMMY UBUSWA BURAGARAGAYE AHUBWO UFANYE SPR VUBA KUBA UTAZI GATETE JIMMY RUTAHIZAMU WI BIHE BYOSE NA NAYIONAL.THX

  • Wibagiwe ba Mbuyu Twite, Jimmy Mulisa, n’abandi. Harabaye ntihakabe.1

  • ntago inkuru zanyu ziri gukunda murebe uko bigenda twongere tuziboneho

  • Nimutsindwa niho hahandi umutoza azakabona

Subiza

Your email address will not be published. Required fields are marked *