• 08/12/2019 11:32 52

Somalia: Al Shabaab yishe abantu 12 barimo abanyamakuru 2

Igitero Al Shabaab yaraye igabye muri hoteli iri Kisimayo yishe abantu 12 barimo umunyamakuru witwa Hodan Naleyah wari kumwe n’umugabo we.  Kiriya gitero cyagabwe n’umwiyahuzi wari wambariye imyenda ku gisasu.  

Al Shabaab yaraye yishe 12 barimo abanyamakuru babiri bari muri imwe muri Hotel ziri i Kisimayo

Uyu mwiyahuzi yagabye igitero kuri hoteli iri ahitwa Asasey hari y’icyambu cya Kisimayo hafi y’umurwa mukuru Mogadishu.

Amakuru avuga ko ubwo kiriya gitero cyagabwaga hari abanyapolitiki n’inararibonye zo muri kariya gace zari muri iriya hoteli ziganira ku myiteguro y’amatora azaba mu gihe gito kiri imbere.

Bivugwa ko bane mu bari kumwe n’uwagabye igitero bishwe barashwe.

Nalayeh ni umunyamakuru uzwi cyane muri gace Somalia iherereyemo washinze televiziyo ikunzwe cyane yise Integration TV ivuga ku buzima bw’abatuye Somalia ndetse n’abayikomokamo ariko baba hanze.

Ibiganiro televiziyo ye yaherukaga gukora byerekanaga ubuzima mu mugi wa Las Anod, bikibanda cyane ku ruhare rw’abagore muri iri terambere.

Yari asanzwe aba muri Canada abana n’umugabo we, yakundaga kwerekana uko ubuzima bw’abanya Somalia baba muri kiriya gihugu babayeho.

Undi munyamakuru waguye muri kiriya gitero ni Mohamed Omar Sahal, bakaba babaye abanyamakuru ba mbere bishwe muri Somalia kuva uyu mwaka watangira.

Hodan yicanywe n’umugabo we

BBC

Jean Pierre NIZEYIMANA

UMUSEKE.RW

2 Ibitekerezo

  • Tekereza abantu batunzwe n’ubwicanyi barangiza bakavuga ngo baba bakorera Imana yabo,Allah.Iyo bishe umuntu iteka baravuga ngo “Allah akhbar”,bisobanura ngo Imana niyo nkuru.Ibi byihebe ni byinshi cyane ku isi kandi bose ni Abaslamu.Hari Al Shabab,AL QAEDA,AL AKMI,HEZBOLLAH,etc…Nta kindi bakora uretse kurwana no kwica.Ariko nkuko History ibivuga,na Muhamadi washinze idini rya Islam yari umurwanyi.Muribuka igitero yagabye I Macca avuye I Madina aho yavukiye.Yesu yavuze ko abantu bazabona ubuzima bw’iteka muli paradizo ari abantu birinda kurwana no kwicana gusa.Inkozi z’ibibi zose Imana izazikura mu isi ku munsi wa nyuma isigaze abumvira Imana gusa nkuko Imigani igice cya 2 umurongo wa 21 na 22 havuga.Abazarokoka kuli uwo munsi bazabaho iteka,nta kibazo na kimwe bafite.Ndetse indwara n’urupfu bizavaho burundu nkuko Ibyahishuwe igice cya 21 umurongo wa 4 havuga.Niba dushaka kuzaba muli iyo Paradizo yegereje,dushake Imana cyane,twe guheranwa no gushaka ibyisi gusa.

  • @GATARE,ntago Bose ari Aba Islam.
    OYA,OYA.twaba tubakamiye mukitoze.
    ahubwo ni “abiyitirira Islam”, umbabarire Niko mbyumva

Subiza

Your email address will not be published. Required fields are marked *