• 12/12/2019 9:03 55

Sogonya Hamiss ‘yongeye kuba’ umutoza mukuru wa Kirehe FC

Sogonya Hamiss bakunda kwita ‘Kishi’ wari umaze umwaka umwe n’igice nta kipe afite atoza, yongeye kugarurwa mu kazi na Kirehe FC . Iyi kipe y’Akarere ka Kirehe iherutse gutandukana n’uwari umutoza wayo mukuru Kalisa François. Kishi azatoza iyi kipe mu gihe gisigaye cya shampiyona.

Umutoza Sogonya Hamiss

Kirehe FC yirukanye umutoza Kalisa kuko ngo nta musaruro ufatika yayihaye mu mikino y’igice kibanza cya shampiyona (Phase aller). Iki kiciro cya mbere  Kirehe FC yakirangije iri ku mwanya wa 15 n’amanota 12 kuko  mu mikino 15 yakinnye yatsinzemo ibiri inganya itandatu itsindwa irindwi.

Iyi kipe mu mikino ibiri bamaze gukina mu kwishyura yayitojwe n’umutoza wungirije ariko ntibyayigendekera neza kuko batsinzwe na Kiyovu Sport igitego 1-0 ndetse na AS Kigali iyitsinda ibitego 5-0.

Kuri uyu wa gatatu nibwo umutoza Hamiss Sogonya ari butoze bwa mbere Kirehe FC.

Uyu mutoza kandi yigeze gutoza Kirehe FC guhera 2016 kugeza 2017 ariko iza kumwirukana.

Umukino wa mbere wa Kishi azahura na APR FC iyoboye urutonde rwa shampiyona  i Kirehe kuwa gatandatu tariki 2 mu mukino w’umunsi wa 18 wa shampiyona.

Kuri ubu Kirehe FC iri ku mwanya wa 15 n’amanota 12, ikaba irusha  amanota ane Amagaju FC ari ku mwanya wa nyuma.

Sogonya Hamiss ‘Kishi’ yatangiye umwuga wo gutoza muri 1995. Yatoje amakipe atandukanye arimo Espoir FC, Kiyovu Sport, Les Citadins, Police FC, Flash FC, Etincelles FC, Amagaju FC na Kirehe FC.

Ubwo aheruka muri Kirehe FC, mu mwaka w’imikino 2016/17, yayifashije kuguma mu kiciro cya mbere, barangiza shampiyona bari ku mwanya wa 11 n’amanota 32.

Yvonne IRADUKUNDA

UM– USEKE.RW

Subiza

Your email address will not be published. Required fields are marked *