• 20/01/2020 5:03 21

Siera Leone: Uwasambanyije umwana agafatwa azajya afungwa Burundu

Perezida wa Sierra Leone, Julius Maada Bio yavuze ko gufata ku ngufu n’irindi hohotera rishingiye ku gitsina bifata intera muri iki gihugu, avuga ko ari icyorezo cyugarije igihugu.

Sirre Leone ngo yugarijwe n’ikibazo cyo gufata ku ngufu abagore n’abakobwa no gusambanya abana

Perezida Maada Bio yavuze ko umuntu uzahamwa n’ibyaha byo gusambanya abana batarageza imyaka y’ubukure azahanishwa gufungwa Burundu.

Iki kemezo gikurikiye gutakamba mu myigaragambyo y’abaturage yabayeho nyuma y’uko umwana w’umukobwa w’imyaka itanu asambanyijwe n’umwe mu bo mu muryango wabo mu mwaka ushize.

Uyu mwana ihohotera rishingiye ku gitsina yakorewe ryamusigiye ubumuga.

Polisi muri Sierra Leone ivuga ko ibyaha bijyanye n’ihohotera rishingiye ku gitsina byikubye kabiri mu mwaka ushize bigera kuri 8 500 bivuye kuri 4 750.

UM– USEKE.RW

Subiza

Your email address will not be published. Required fields are marked *