• 13/12/2019 9:30 01

Seninga wa Bugesera FC yeguye ati: ‘Nimunyishyure n’ayo mundimo’

Uwari umutoza mukuru wa Bugesera FC Seninga Inncocent yamaze kwandikira ibaruwa ubuyobozi bwa Bugesera FC abamenyesha ko yeguye ku mirimo ye. Ngo yeguye kuko ingingo ya gatatu mu masezerano yagiranye n’Ikipe itubahirijwe Mu gitondo cyo uri uyu wa Mbere tariki 18 Werurwe 2019 nibwo Seninga Innocent yanditse ibaruwa isaba ubuyobozi bwa Bugesera FC  gusesa amasezerano kuko ngo  ingingo ya 3 mu masezerano bagiranye itubahirijwe.

Umutoza Innocent Seninga. Ubu ni umutoza wungirije w’Amavubi

Muri ibaruwa  ye kandi akomeza avuga ko ashingiye ku ngingo ya 7 y’ayo masezerano yemerera buri ruhande rwose rushatse gusesa amasezerano ko rumenyesha urundi mbere y’iminsi 15.

Yagize ati “…Mbandikiye mbasaba gusesa amasezerano y’akazi twari dufitanye yo gutoza ikipe ya Bugesera FC kubera impamvu nasobanuye ruguru ahubwo mbasaba ko mwanyishyura ibirarane by’imishahara y’amezi 2 mumfitiye ndetse nanjye ngakora ibisabwa n’amategeko hiyongereyeho ibihumbi Frw 300  byasigaye kuyo nagombaga guhabwa yo kumfasha kwimuka ngatura ahantu hashya…”

Tariki 26 Kanama 2018, Seninga Innocent nibwo yasinye amasezerano y’umwaka umwe atoza Bugesera FC avuye muri Musanze FC nayo yari yagiyemo avuye muri Police FC.

Muri Gicurasi 2018 nibwo Seninga yasinyiye gutoza Musanze FC imikino yari isigaye.

Seninga asize Bugesera FC ku mwanya wa 10 n’amanota 24.

Umuseke uracyagerageza kuvugana na Seninga ngo atubwire ibikubiye mu ngingo ya 3 y’amasezerano yari afitanye na Bugesera FC.

Ibaruwa Seninga yanditse asezera muri Bugesera FC

Yvonne IRADUKUNDA

UM– USEKE.RW

Subiza

Your email address will not be published. Required fields are marked *