• 11/12/2019 5:26 52

Sen. Tito ati “Bavuga ko nta ntungane ibaho ariko Kagoyire yari yo”

Senateri Tito Rutaremara wakoranye na Nyakwigendera Senateri Bishagara Kagoyire Kagoyire Therese kuva bakiri hanze y’igihugu mu muryango wa RPF, avuga yari umwe mu bantu b’inyagamugayo bakoranye.

Senateri Tito Rutaremara mu muhango wo guherekeza mugenzi wabo

Senateri Tito Rutaremara avuga ko azi nyakwigendera Senateri Kagoyire kuva kera ari umukada mu muryango wa RPF-Inkotanyi.

Avuga ko iyo abantu bavuga ku muntu witabye Imana hari ibyo bibagirwa ariko ko atakwibagirwa ko nyakwigendera yari inyangamugayo kandi agahorana umurava mu byo yakoraga byose.

Ati “Yari umuntu utagira ikosa nubwo bajya bavuga ngo umuntu uri parfait ntabaho ariko ubanza Maman Theresa yariwe.”

Avuga ko abato bakwiye kumwigiraho mu bikorwa yakoraga birimo kugendera ku ndangagaciro z’umunyarwandakazi.

Ati “Yagiraga indangagaciro ze kuko hari indangagaciro za kinyarwanda we yagiraga iz’ubumuntu, yari inyangamugayo, yari imfura yari  umuntu witonda, ucisha make, w’umuhanga yagiraga ikinyabupfura.”

Hon Tito avuga kandi ko mu myitwarire ya Hon Kagoyire atasigaga n’indangaciro z’umunyarwanda zo gukora umurimo ubuneye no gukorera ku gihe.

Ati “Ni cyo gituma mvuga ko yari Parfait kuko yagiraga indangagaciro zacu za Kinyarwanda akagira n’iz’iki gihe zo gukora umurimo uboneye, kudakererwa, yahoraga ashaka iteka gutera imbere.”

Senateri Tito Rutaremara uvuga ko nyakwigendera bazahora bamuzirikana, avuga ko nyakwigendera yagize uruhare runini mu bikorwa bya Sena biri kugira impinduka mu mibereho y’abanyarwanda.

Josiane UWANYIRIGIRA
UMUSEKE.RW

5 Ibitekerezo

  • ntegereje ikintu nibura kimwe twamwigiraho ndaheba umunyamakuru nadufashe twumve ibyavuzwe neza

    • Ibyo Honorable avuze ko “nta ntungane ibaho”,byavuzwe n’Umwami Solomon muli Umubwiriza 7:20.Ndetse na YESU yavuze ko nawe atari intungane,yongeraho ko “Umwiza ari SE wenyine.Ibi byerekana ko nubwo Honorable Kagoyire yari umuntu mwiza,ntabwo yari intungane.Undi muntu utari mwiza nubwo abayoboke be babimwita,ni Paapa.Bamwita ngo ni “Nyirubutungane” (Le Saint Pere/The Holy Father).Imana yonyine niyo ifite ububasha bwo kugira abantu abatagatifu kuko niyo ituzi neza.Nkuko Imigani 2,imirongo ya 21 na 22 havuga.abantu beza,nukuvuga abumvira Imana,nibo bonyine bazarokoka ku munsi w’imperuka,bagasigara mu isi nkuko uwo murongo uvuga.Ababi bose bazakurwa mu isi nkuko havuga.

  • Nanjye Hari icyo mpora nibaza. Ngo Paapa ni Nyirubutungane!!! Si umuntu se? Imana yonyine ni yo iri parfait. None se igihe Paapa a hitari yaba we kuki aba atari Nyirubutungane? Ubwo rero iyo title y’ubupaapa ni yo ibimugira. Si byo rero.

    • @James,menya ko amadini yose yiyemera.Gatolika ivuga ko “ariyo itunganye yonyine”,Abaslamu bakavuga ngo “nibo nzira y’ukuri yonyine”,Abadive bakavuga ko “utubahiriza Isabato imana itamwemera”,etc…Nyamara ayo madini yose ugasanga afite abayoboke benshi bakoze Genocide.Benshi bafungiye Arusha no muli 1930.Jyewe nubwo hari ibyo ntemeranywa n’abayehova,mbona aribo bagerageza kubaha bible principles.Urugero,ntibivanga muli poitike no mu ntambara zibera mu isi.Igihe abayoboke b’andi madini bajyaga kurwanya FPR bayita umwanzi,hagati ya 1990-1994,nta muyehova numwe wagiye ku rugamba.

      • Buriya wenda abayehova bari bake kuburyo batagaragaraga, anyway nta dini ribi ribaho ahubwo amadini abamo abantu babi, honorable evode uri kugenda akuraho ibisigisigi byabakoloni mu mategeko azatwigire nuko intwaro yabo ya christianism ayicubya kuko biragaragara ko hari abataramenya ko ari igikoresho cyumukoloni

Subiza

Your email address will not be published. Required fields are marked *