• 25/01/2020 6:28 40

Sandra Miraj umaze imyaka 3 yikosora ati «Banyitege ngarutse nzi icyo gukora»

Umuhanzikazi uririmba mu njyana ya Rap, Sandra Miraj wari umaze imyaka itatu adakora umuziki, avuga ko yariho yikosora ubu akaba  agarukanye indirimbo nshya yitwa ‘Hagenimana’ avuga ko agarukanye imbaraga nyinshi ku buryo yizeza abakunzi be ibihangano bikomeye.

Sandra Miraj ngo ubu agarukanye imbaduko

Sandra Miraj yamenyekanye mu ndirimbo nka ‘Isezerano’ yakoranye na Knowless, ‘Brenda’ yakoranye na Bruce Melody, n’iyitwa ‘Andi mahirwe’ yakoranye na Bull Dogg.

Uyu muraperikazi wari umaze imyaka itatu adasohora indirimbo, agarukanye indi nshya yitwa ‘Hagenimana’.

Avuga ko yari yihaye akaruhuko ashaka guhindura ibitaragendaga neza mu muziki we.

Ati “Nari nihaye ikiruhuko cy’umwaka umwe gusa ariko biza guhinduka iba itatu gusa nashakaga kureba ibiteganda neza kugira ngo mbikosore nshake n’abantu bamfasha kuko aho byari bigeze umuziki wansabaga ibintu byinshi kandi ntabifite.”

Sandra Miraj avuga ko ubu byakosotse neza agarukanye imbaraga kandi azi igikenewe mu bafana be.

Indirimbo ye nshya Hagenimana ivuga ku buzima bwa buri munsi bitewe n’agahunda umuntu aba yateguye ariko zigapfa, we aririmba avuga ko byose bigenwa n’Imana.

Mu kiganiro kirambuye yagiranye n’Umuseke yagarutse no ku kibazo yagiranye n’umugore wa Bull Dogg ubwo barwaniraga mu kabari.

Yagarutse no kuri bagenzi be b’abakobwa bahuriye ku njyana ya Hip Hop cyane kuri Young Grace na Oda Paccy yasize mu kibuga.

Kurikira ikiganiro ke cyose mu mashusho:

Bonaventure KUBWIMANA
UMUSEKE.RW

Subiza

Your email address will not be published. Required fields are marked *