Safi na Nizzo ngo ntabwo bakibanye nk’igare

Umwaka urashize umuhanzi Safi Madiba avuye mu itsinda rya Urban Boys. Nyuma y’icyo gihe cyose yongeye guhura na Nizzo ngo nubwo bahuye bitunguranye Safi yarabyishimiye kuba barongeye guhuza urugwiro naho ngo ku kibazo bavugwaho cy’urwangano ngo ni ibisanzwe uretse ko abantu babigira birebire.

Kuri Safi ngo ntakibazo afitanye na Nizzo uretse abantu babikomeza

Ku munsi wo ku cyumweru Safi Madiba yakoze igitaramo mu kabari gaherereye I Nyamirambo kitabirwa na Nizzo bizwi ko bombi babanye nk’igare.

Icyo gitaramo cyateguwe na Seka Emmanuel umenyerewe mu gufasha abahanzi Nyarwanda akaba na nyiri ako kabari.

Safi wari buririmbe kuri uwo munsi nawe ngo yatunguwe no kubona Nizzo ari mu bantu bitabiriye icyo gitaramo dore ko ngo yaherukaga ku mubona bombi bakibana muri Urban Boys.

Ati “ Nta muntu wampuje na Nizzo gusa nta gahunda yo guhura nawe yari ihari ni uko twahuriye mu gitaramo cyanjye.”

Nu bwo bahuriye muri icyo gitaramo uwagiteguye ngo yari yabanje kubwira Safi ko Nizzo yamusabye kuzahaza ngo nawe arebe aho mugenzi we babanye muri Urban Boys aririmba.

Ati “ Kuhaza kwe nanjye byarantunguye gusa Seka yari yambajije ngo Nizzo ko yifuza kuza kureba igitaramo cyawe hari ikibazo….Namusubije ko ntacyo bitwaye.”

Kuva batandukana mu mpera z’umwaka wa 2017 nibwo bwa mbere bari bahuye bicara ku meza amwe basangira icyo kunywa.

Kuri Safi ngo birasanzwe kuko ikibazo cyabo ngo cyoroshye cyane ahubwo ngo ni uko usanga abantu aribo babikomeza.

Ati “Umubano wanjye na Nizzo ntakibazo ni uko abantu babifata nabi, ni mwiza ntakibazo dufitanye habe na kimwe rwose.”

Nizzo yasuhuje abafana ba Urban Boys mu gitaramo cya Safi
Umwaka urenga ho amezi warushize aba bahanzi batabonana

Bonaventure KUBWIMANA

UMUSEKE.RW

3 Ibitekerezo

  • Hhhhhh!
    aliko uburyarya bw’abanyarwanda mana yanjye! ubu kweli akihanukira ngo umubano ni mwiza, nta kibazo, Yakoze ubukwe ntiyamubwira, ntiyanamutumira, bamaze imyaka 2 batavugana none kuko bahuriye mu kabari, ngo umubano ni mwiza nt kibazo, nkurikije uko inkuru yanditse, ntibigeze banavugana ngo amutumire cg se ngo undi amusabe ikaze, just bahujwe na intermediaire, none ngo nta kibaz. nguwo umubano wabanyarwanda! kandi iyi ni exemple typique y’imibanire ya benshi! kuryaryanya gusa kugirango muhacane umucyo, aliko mwese mubizi ko mudakundana

  • kkkkk

  • nanjye uko mbyumva ubwo nuburyarya pe mwembi muzicarane musase inzoba naho kutubeshya no kuko nkurikije uko nsomye ibyanyu harimo ubu ryarya bwinshi kbs.

Subiza

Your email address will not be published. Required fields are marked *