• 18/01/2020 1:33 59

S.Korea: Ku myaka 6 yaguze Etaje ku mafaranga yakuye kuri YouTube

Umukobwa w’imyaka 6 witwa Boram ari mu byamamare bikomeye muri Koreye y’epfo kubera amashusho atangaza ku rukuta rwe twa YouTube. Kubera ubwinshi bw’abafana be, yinjije imari yatumye agura umuturirwa hagati mu murwa mukuru Seoul.

Ku myaka 6 yaguze etaje

Muri rusange uyu mwana afite abantu bakurikirana ibyo ashyira muri Youtube bangana miliyoni 30. Iriya nzu irimo ibikorwa by’ubucuruzi yayiguze miliyoni $8 ni ukuvuga miliyari 9.5 by’amafaranga yo muri Koreya y’epfo.

Boram afite ahantu habiri kuri YouTube ashyira video z’ibyo ashaka ko abafana be babona.

Hari video aherutse gushyiraho irebwa b’abantu miliyoni 376 ku isi hose.

Nubwo uyu mwana akunzwe, Umuryango Save the Children wigeze kumurega kuri Polisi uvuga ko hari video asohora zishobora kwigisha abana bo muri Koreya imico mibi.

Muri zo harimo iyamwerekanaga yiba amafaranga Se hamwe n’indi yagaragayemo atwaye imodoka.

Icyo gihe Polisi yagejeje ikirego cya Save the Children ku rukiko rushinzwe imanza zirebana n’abana rusaba ababyeyi ba Boram gutangira kujya bamuganiriza bakamubwira ibibi byo kwigisha bagenzi ibyatuma bitwara nabi bakica amategeko.

Ziriya video zahise zisibwa kuri YouTube.

Gukorera ubucuruzi kuri YouTube byinjiriza benshi harimo n’abana.

Muri 2018 umwana ukuri muto winjije amafaranga menshi ku isi ni Umunyamerika witwa Ryana Kaji winjije miliyoni $22.

CNN

Jean Pierre NIZEYIMANA

UMUSEKE.RW

2 Ibitekerezo

  • Umufaransa witwaga Corneille wanditse ikinamico ryitwaga LE CID yaravuze ngo:”La valeur d’un homme n’attend pas le nombre des annees” (Human value doesn’t wait for old age).Bisobanura ko agaciro k’umuntu kadategereza imyaka myinshi.Benshi bakira bakiri bato cyane.Bamwe biterwa na factors nyinshi: Kuvuka muli family ikize,kugira ubwenge bwinshi bigatuma urangiza vuba ugakora ahantu heza,chance factor,etc…Ariko tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye “gushaka mbere na mbere ubwami bw’imana” ,aho kwibera mu byisi gusa.Abantu bumvira iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana kandi batibera mu gushaka ibyisi gusa.

  • ASANTI MR GATARE

Subiza

Your email address will not be published. Required fields are marked *