• 24/01/2020 1:14 03

RwandAir yatangiye ingendo muri Israel

Mu ijoro ryakeye nibwo indege nini ya Kompanyi y’u Rwanda itwara abantu n’ibintu mu kirere RwandAir yahagurutse i Kigali yerekezaTel Aviv muri Israel.

Ubu RwandAir izajya igwa ku kibuga cy'indege kiri Tel Aviv muri Israel
Ubu RwandAir izajya igwa ku kibuga cy’indege kiri Tel Aviv muri Israel

Tel Aviv niwo mujyi w’ubukungu ukomeye kurusha indi muri Israel. Ndetse wabanje kuba Umurwa mukuru wa kiriya gihugu kugeza mu minsi ishize ubwo Yeruzalemu ariyo yawusimburaga.

Tel Aviv ibaye umujyi wa 29 indege za RwandAir zikoreramo ingendo ku isi hose, ikaba ari iya kabiri mu Burasirazuba bwo Hagati nyuma ya Abu Dhabi muri Leta zunze ubumwe z’Abarabu.

Indege z’iki kigo zizajya zikorera ingengo Tel Aviv inshuro eshatu mu Cyumweru ni ukuvuga ku wa Kabiri, kuwa Kane no kuwa Gatandatu.

Yvonne Manzi Makolo uyobora RwandAir avuga ko kuba u Rwanda rutangiye ingendo muri Israel ari ikintu kiza kizakomeza umurunga w’umubano hagati y’ibihugu byombi kandi bigateza imbere n’ubucuruzi.

Ati: “ Tel Aviv ni ahantu hari ubucuruzi bukomeye kandi hazwiho kuba za Kaminuza n’ibigo by’ikoranabuhanga bikomeye. Ibi bizafasha abaturage b’ibihugu byombi. Abanyarwanda bashaka kujya mu ruzinduko rutagatifu muri Israel nabo bizaborohereza.”

Makolo avuga ko ingendo za RwandAir muri Israel zizafasha n’abaturanyi b’u Rwanda bashaka kujya mu Burasirazuba bwo Hagati.

Muri Mata, 2019 RwandAir yatangije ingendo muri Repubulika ya Demukarasi ya Kongo ndetse vuba aha iherutse no gutangiza izindi mu Ntara ya Guangzhou mu Bushinwa.

Abagenzi barimo basakwa kugira ngo bagende batekanye
Rwandair izajya ijya Tel Aviv inshuro eshatu mu Cyumweru
Tel aviv umujyi wa mbere w’ubukungu wa Israel
Abakozi ba Rwandair baha ikaze abagenzi
Abagenzi barimo burira indege bagannye Tel Aviv mu ijoro ryakeye

The New Times

Jean Pierre NIZEYIIMANA
UMUSEKE.RW

Subiza

Your email address will not be published. Required fields are marked *