• 20/01/2020 4:42 08

Rwanda C. Fashion Show izitabirwa n’Abanyamideri bo muri Germany, Nigeria, Ghana,…

Rwanda Cultural Fashion Show, kimwe mu bitaramo by’imurikamideri bikomeye mu Rwanda, icy’uyu mwaka giteganyijwe muri Nzeri kizitabirwa n’abahanzi b’imideri bazaturuka mu bihugu nka Germany, Nigeri, Ghana no muri Kenya.

Iki gitaramo kiba ari umwanya mwiza wo gusangizanya imico
Iki gitaramo kiba ari umwanya mwiza wo gusangizanya imico

Abategura iki gitaramo kizaba tariki ya 08 Nzeri, bavuga ko icy’uyu mwaka gifite umwihariko kuko kizamurikirwamo imideri ishushanya imico itandukanye y’ibihugu bizakitabira.

Celestin Ntawirema utegura iki gitaramo, ati “Intego y’iki gitaramo ni ukumenyekanisha imideri ikorerwa mu Rwanda n’ahandi ariko cyane imideri yafasha abantu gusobanukirwa imico y’ibihugu biciye mu myambarire.”

Abahanzi b’imideri bazitabira iki gitaramo kigiya kuba ku nshuro ya Gatandatu, batangiye kwiyandikisha, tariki ya 04 Kanama hakazaba ikindi gikorwa cyo gutoranya abagomba kumurika imideri muri Rwanda Cultural Fashion Show.

Ntawirema avuga ko amarembo yuguruye kuri buri munyamideri wifuza kuzitabira iki gitaramo kuko kizaha umwanya abakizamuka muri uru ruganda.

Rwanda Cultural Fashion Show iherutse guhabwa igikombe nk’igitaramo kiza ku isonga mu guteza imbere imurikamideri nyarwanda.

Ntawirema avuga ko kiriya gikombe cyabongereye imbaraga mu byo bakora ku buryo imitegurire y’iki gitaramo yateye intambwe.

Ati “Turifuza kwereka abantu ko iki gihembo twatwaye twari tugikwiye, ni muri urwo rwego rero turi gutegura igitaramo gitandukanye n’ibindi byose twakoze mu myaka yabanje.”

Mu itangazo ryashyizwe hanze n’abategura iki gitaramo, rirahamagarira abifuza kuzamurika imideri muri iki gitaramo kudacikwa n’aya mahirwe.

Celestin Ntawirema utegura igitaramo cya Rwanda Cultural Fashion Show
Celestin Ntawirema utegura igitaramo cya Rwanda Cultural Fashion Show
Iki gitaramo kimurikwamo imideri yerakana imico y'ibihugu biciye mu myambarire
Iki gitaramo kimurikwamo imideri yerakana imico y’ibihugu biciye mu myambarire
Iyi myenda yamuritswe muri iki gitaramo mu 2015
Iyi myenda yamuritswe muri iki gitaramo mu 2015

Robert KAYIHURA
UM– USEKE.RW

Subiza

Your email address will not be published. Required fields are marked *