• 23/01/2020 1:37 02

Rutsiro: Inka ‘ziheruka gutemwa imirizo’ byasabye kuzibaga ntizari gukira

Nyuma yo kubona ko inka zatemwe ibitsi n’imirizo mu Murenge wa Mushubati mu Karere ka Rutsiro zidashobora gukira, ushinzwe amatungo n’ibiyakomokaho mu murenge witwa Jean Pierre Hitimana yasabye ko ziriya nka zigurishwa ku bacuruzi, zikabagwa kuko ngo ntizashoboraga gukira. Ibi byabaye ku wa Gatatu taliki 28, Kanama 2019.

Veterineri w’Umurenge yasabye ko zagurishwa zikabagwa kuko zitari gukira

Umunyamabanga Nshingwabikorwa w’Umurenge wa Mushubati, Christophe Mudahemuka, avuga ko hatemwe imbyeyi n’ikimasa cyayo.

Akeka ko iyi mbyeyi yahakaga kuko n’ikimasa cyayo ari gikuru.

Mudahemuka yabwiye Umuseke ko ukurikiranyweho gutema ariya matungo ari umuturage wo mu wundi Murenge witwa Manihira, akaba yaratemye inka mu Murenge wa Mushubati.

Ati: “Birababaje kuva mu Murenge ukaza gutema inka z’umuntu wo mu wundi Murenge.”

Avuga ko uwari utunze ziriya nka afita abana bato kandi ngo na we ashobora kuba atarengeje imyaka 30 y’ubukure.

Ku byerekeye kumushumbusha, Christophe Mudahemuka avuga ko bazategereza icyo Urukiko ruzemeza nyuma yo kuburanisha ukekwaho gukora icyaha.

Yasabye abaturage bo mu Murenge we kuzibukira urwango, ufitanye ikibazo na mugenzi we bakagikemura mu mahoro, kuko ngo gukora ibyaha nta we byungura.

Avuga ko icyaha cyo gutema inka z’umuturanyi cyaherukaga mu Murenge we mu myaka ibiri ishize.

Ukwekwaho icyaha ngo yavuye muri Manihira ajya gutema inka muri Mushubati

Jean Pierre NIZEYIMANA
UMUSEKE.RW

Subiza

Your email address will not be published. Required fields are marked *